ନୂଆଦିଲ୍ଲୀ : ଲୋକସଭା ନିର୍ବାଚନ ପାଇଁ ପ୍ରଚାର ମଧ୍ୟରେ ଗତ କିଛି ଦିନ ଧରି ସପ୍ନା ଚୌଧୁରୀ ଆଲୋଚନାର ବିଷୟ ହୋଇଛନ୍ତି। କଂଗ୍ରେସରେ ଯୋଗଦେବା ନେଇ ଖବରକୁ ଖଣ୍ଡନ କରିବା ପରେ ସପ୍ନା ଦିଲ୍ଲୀ ବିଜେପି ସଭାପତି ମନୋଜ ତିୱାରୀଙ୍କୁ ଭେଟିଛନ୍ତି। ରବିବାର ରାତିରେ ଉଭୟ ରାତ୍ରି ଭୋଜନରେ ଏକାଠି ହୋଇଥିଲେ। କୁହାଯାଉଛି ସପ୍ନା ଖୁବଶୀଘ୍ର ବିଜେପିରେ ଯୋଗଦେବେ।
ଏହା ପୂର୍ବରୁ ସପ୍ନା ଚୌଧୁରୀ କଂଗ୍ରେସରେ ଯୋଗଦେଇ ନିର୍ବାଚନ ଲଢିବେ ବୋଲି ଚର୍ଚ୍ଚା ହେଉଥିଲା। ରବିବାର ସପ୍ନା ଏହି ଖବରକୁ ଖଣ୍ଡନ କରିଥିଲେ। ସାମାଜିକ ଗଣମାଧ୍ୟମରେ ସେୟାର କରାଯାଉଥିବା ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ତାଙ୍କର ଫଟୋ ଅତିପୁରୁଣା ବୋଲି ସେ କହିଥିଲେ। ଏହାସହ ସେ କୌଣସି ଦଳ ପାଇଁ ନିର୍ବାଚନ ପ୍ରଚାର କରିବେ ନାହିଁ ବୋଲି ସ୍ପଷ୍ଟ କରିଥିଲେ। ମାତ୍ର ରବିବାର ରାତିରେ ତାଙ୍କୁ ମନୋଜ ତିୱାରୀଙ୍କ ସହ ଦେଖିବାକୁ ମିଳିଥିଲା। ଏହାପରଠାରୁ ରାଜନୈତିକ କରିଡ଼ରରେ ବିଭିନ୍ନ ଚର୍ଚ୍ଚା ହେଉଛି। ସପ୍ନା ବିଜେପିରେ ଯୋଗଦେବେ କି ନାହିଁ ତାହା ସ୍ପଷ୍ଟ କରିନାହାନ୍ତି।
ସପ୍ନାଙ୍କୁ ଭେଟିଲେ ମନୋଜ ତିୱାରୀ, ହୋଇପାରନ୍ତି ବିଜେପିରେ ସାମିଲ!
Popular Categories
Previous article
Next article