ତରଭୂଜ ଖାଇବାକୁ ସମସ୍ତଙ୍କୁ ଭଲ ଲାଗେ। ଏହା ବିଶେଷ କରି ଖରା ଦିନେ ପ୍ରଚୁର ପରିମାଣରେ ମିଳିଥାଏ। ତରଭୂଜରେ ୯୦% ଜଳୀୟ ଅଂଶ ରହିଛି। ଏଥିରେ ଆଣ୍ଟିଅକ୍ସିଡାଣ୍ଟ ଭରପୂର ମାତ୍ରାରେ ରହିଛି। ତରଭୂଜ ଖାଇବା ଦ୍ବାରା ଶରୀରରୁ ଜଳୀୟ ଅଂଶର ଅଭାବ କମ ହୋଇଥାଏ। ଏହାସହ ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ।
ଆସନ୍ତୁ ଜାଣିବା ତରଭୂଜ ଖାଇବା ଦ୍ବାରା ଶରୀରକୁ କ’ଣ ଲାଭ ମିଳିଥାଏ ..
ତରଭୂଜରେ ଏମିନୋ ଏସିଡ ରହିଛି। ଏହାକୁ ଖାଇବା ଦ୍ବାରା ଶରୀରରେ ରକ୍ତ ପ୍ରବାହ ଠିକ ହେବା ସହ ଆଣ୍ଠୁଗଣ୍ଠି ଦରଜ ଭଲ ହୋଇଥାଏ। ଏହା ଉଚ୍ଚ ରକ୍ତଚାପକୁ ନିୟନ୍ତ୍ରଣ କରିଥାଏ।
ତରଭୂଜରେ ଭିଟାମିନ-ବି୬, ମ୍ୟାଗ୍ନେସିୟମ, ଫସଫରସ, ପୋଟାସିୟମ, ଜିଙ୍କ ଓ କପର ପରି ପୋଷକ ତତ୍ତ୍ବ ଭରପୂର ମାତ୍ରାରେ ରହିଛି। ଏହା ମସ୍ତିଷ୍କକୁ ସୁସ୍ଥ ରଖିଥାଏ।
ତରଭୂଜରେ ଲାଇକୋପିନ ଥିବାରୁ ଏହା ଚର୍ମର ଉଜ୍ବଳତାକୁ ବଜାୟ ରଖିଥାଏ।
ତରଭୂଜରେ ଭିଟାମିନ-ଏ,ସି ଓ ବି୬ ରହିଛି। ଏହା ଆଖି, ଚର୍ମ ଓ ମସ୍ତିଷ୍କ ପାଇଁ ଲାଭଦାୟକ ଅଟେ। ଭିଟମିନ-ଏ କେଶ ସମସ୍ୟାକୁ ଦୂର କରିଥାଏ।
ତରଭୂଜରେ ଗ୍ଲାଇସୋମିକ ଇଣ୍ଡେକ୍ସ ମିଡିୟମ ଥିବାରୁ ଏହା ମଧୁମେହ ରୋଗୀଙ୍କ ପାଇଁ ଲାଭଦାୟକ ହୋଇଥାଏ।
ତରଭୂଜରେ ବିଟା କ୍ୟାରୋଟିନ ଥିବାରୁ ତାହା ହୃଦରୋଗ ଆଶଙ୍କା ଦୂର କରିଥାଏ। ଏହାସହ ଲୌହ ରକ୍ତହୀନତା ଦୂର କରିଥାଏ।
ଏହାର ମଞ୍ଜିରେ ସେଲେନିୟମ ନାମକ ପୋଷକ ତତ୍ତ୍ବ ରହିଛି। ତାହାକୁ ଗୁଣ୍ଡ କରି ମୁହଁରେ ଲଗାଇବା ଦ୍ବାରା ଉଜ୍ବଳ ଦେଖାଯାଏ।
