କଟକ: କଟକ ସଦର ଥାନା ସୁଭଦ୍ରାପୁରରେ ଅଭାବନୀୟ ଘଟଣା ଘଟିଛି। ବାଉଁଶ ବ୍ୟବସାୟୀଙ୍କ ଘର ଉପରକୁ ବୋମାମାଡ ହୋଇଛି। ବ୍ୟବସାୟିକ ଶତ୍ରୁତାରୁ ବୋମାମାଡ ସନ୍ଦେହ କରାଯାଉଛି। ସୂଚନା ମୂତାବକ ଗତକାଲି ବିଳମ୍ବିତ ରାତିରେ ବାଉଁଶ ବ୍ୟବସାୟୀ ଅଜୟ ନାୟକ ଘରେ ଥିବା ବେଳେ ହଠାତ୍ କେହି ଦୁର୍ବୃତ୍ତ ଆସି ତାଙ୍କ ଘର ଉପରକୁ ବୋମାମାଡ କରିଛନ୍ତି। ପ୍ରଚଣ୍ଡ ଶଦ୍ଦରେ ଚର୍ତୁଦିଗ ଧୂଆଁମୟ ହୋଇଯାଇଥିଲା। କିନ୍ତୁ ଏଥିରେ କାହାର କିଛି କ୍ଷତି ହୋଇନଥିବା ସୂଚନା ମିଳିଛି। ସେପଟେ ଖବର ପାଇ ସଦର ଥାନା ଆଇଆଇସି ଏବଂ ଜୋନ୍ ୪ ଏସପି ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛନ୍ତି। ଅନ୍ୟପଟେ ଘଟଣା ଘଟିବା ପରେ ଦୁର୍ବୃତ୍ତ ମାନେ ଫେରାର୍ ହୋଇଯାଇଛନ୍ତି।
Comments are closed.