ଶ୍ରୀନଗର : ଜାମ୍ମୁ-କାଶ୍ମୀରର ସ୍ଥାନୀୟ ଆତଙ୍କବାଦୀଙ୍କ ପ୍ରତି ସହାନୁଭୂତି ଦେଖାଇଛନ୍ତି ପିପୁଲ୍ସ ଡମୋକ୍ରାଟିକ ପାର୍ଟି (ପିଡିପି) ମୁଖ୍ୟ ମେହବୁବା ମୁଫତି। ମଙ୍ଗଳବାର ମେହବୁବା ସାମ୍ବାଦିକଙ୍କୁ କହିଛନ୍ତି ଯେ ଆତଙ୍କବାଦୀମାନେ ହେଉଛନ୍ତି ଏହି ମାଟିର ସନ୍ତାନ। ସେମାନଙ୍କୁ ସୁରକ୍ଷା ଦେବା ଲାଗି ଉଦ୍ୟମ ହେବା ଦରକାର। ଏମାନଙ୍କୁ ମୁଖ୍ୟ ସ୍ରୋତକୁ ଫେରାଇ ଆଣିବା ଲାଗି କେନ୍ଦ୍ର ସରକାର ଶାନ୍ତି କଥାବାର୍ତ୍ତା କରିବା ଦରକାର। ସେ କହିଛନ୍ତି ଯେ ଆତଙ୍କବାଦ ପ୍ରବଣ ଜାମ୍ମୁ-କାଶ୍ମୀରରେ ସରକାର ‘ବନ୍ଧୁକର ସଂସ୍କୃତି’କୁ ଛାଡି ଶାନ୍ତିର ମାର୍ଗ ଆପଣାଇବା ଦରକାର। ବର୍ତ୍ତମାନ ଠାରୁ ପାକିସ୍ତାନ, ବିଚ୍ଛିନ୍ନତାବାଦୀ ଓ ଆତଙ୍କବାଦୀଙ୍କ ସହ ଶାନ୍ତି କଥାବାର୍ତ୍ତା ପାଇଁ ସରକାର ପଦକ୍ଷେପ ନେବା ଦରକାର।
