ନେମାଳ : ନେମାଳ ଥାନା ଅନ୍ତର୍ଗତ ବନ୍ଧକାଟିଆ ପଞ୍ଚାୟତରେ ବିଜୁ ଯୁବ ବାହିନୀ ପକ୍ଷରୁ ନିଶା ନିବାରଣ ସଚେତନତା ବୈଠକ ଓ ଶୋଭାଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଜୁ ଯୁବ ବାହିନୀର ସଭାପତି ସୁଶାନ୍ତ କୁମାର ମାହାଳିଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସରପଞ୍ଚ ବନଲତା ତ୍ରିପାଠୀ ଯୋଗଦେଇ ନିଶା ନିବାରଣ ସମ୍ପର୍କରେ ବିଭିନ୍ନ ଉପାଦେୟ ତଥ୍ୟ ପ୍ରଦାନ କରିବା ସହିତ ନିଶାରୁ ଦୁରେଇ ରହିବା ପାଇଁ ସମସ୍ତେ ଶପଥ ନେବା ପାଇଁ ପରାମର୍ଶ ଦେଇଥିଲେ। ସମ୍ମାନିତ ଅତିଥି ଭାବେ ବନ୍ଧକାଟିଆ ସେବା ସମବାୟ ସମିତି ଅଧ୍ୟକ୍ଷ ରବିନ୍ଦ୍ରନାଥ ତ୍ରିପାଠୀ, ପ୍ରାକ୍ତନ ସରପଞ୍ଚ ପ୍ରହଲ୍ଲାଦ ଜେନା, ପ୍ରମୋଦ ସ୍ୱାଇଁ, ଶିକ୍ଷାବିତ୍ ପ୍ରଶାନ୍ତ ବରାଳ, ଯୁବ ସ୍ୱେଚ୍ଛାସେବୀ ଶିଶିର ସ୍ୱାଇଁ ପ୍ରମୁଖ ଯୋଗଦେଇଥିଲେ। ଏହି ଅବସରରେ ବିଜୁ ଯୁବ ବାହିନୀର ସମସ୍ତ ସଦସ୍ୟ ଓ ପଞ୍ଚାୟତ ଜନସାଧାରଣ ମାନଙ୍କ ଦ୍ୱାରା ନିଶା ନିବାରଣ ପାଇଁ ବିଭିନ୍ନ ସ୍ଲୋଗାନ ଦିଆଯାଇ ଶୋଭାଯାତ୍ରାରେ ବିଭିନ୍ନ ଗ୍ରାମ ପରିକ୍ରମା କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ବିଜୁ ଯୁବ ବାହିନୀର ସମ୍ପାଦିକା ମଧୁସ୍ମିତା ମଲ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଗୋପବନ୍ଧୁ ବେହେରା,ଶରତ ତ୍ରୀପାଠୀ,ନିଖିଳ ବାରିକ ସମେତ ବିଜୁ ଯୁବ ବାହିନୀର ସମସ୍ତ ସଭ୍ୟ ଓ ସଭ୍ୟା ଯୋଗଦେଇଥିଲେ। ଶେଷରେ କିଶୋର ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।
