ସିଲଭାସା : ଦାଦ୍ରା ନଗର ହାଭେଳୀର ସିଲଭାସା ସହର ନାରୋଲି ଗ୍ରାମରେ ଥିବା କ୍ରିଷ୍ଣା ଇସ୍ପାତ କମ୍ପାନୀର କାରଖାନା ବଏଲରରେ ଗୁରୁବାର ବିସ୍ଫୋରଣ ଘଟି ୩ ଜଣ ଶ୍ରମିକଙ୍କ ମୃତ୍ୟୁ ଘଟିଛି ଓ ୨ ଜଣ ଗୁରୁତର ଆହତ ହୋଇଛନ୍ତି। ଆହତଙ୍କୁ ସିଲଭାସା ସ୍ଥିତ ବିନୋବା ଭାବେ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣାର କାରଣ ଜଣାପଡ଼ିନାହିଁ। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଗୁରୁବାର ଇସ୍ପାତ କାରଖାନାରେ କାର୍ଯ୍ୟ ଚାଲୁଥିବାବେଳେ ଏହି ବିସ୍ଫୋରଣ ଘଟିଥିଲା ବୋଲି କୁହାଯାଇଛି।
