ପିପିଲି:ସ୍ଥାନୀୟ ଜବାହର ବିଦ୍ୟାପୀଠ ପରିସରରେ ପିପିଲି ପ୍ରାଥମିକ ଶିକ୍ଷକ ସଂଘ (ନୂତନ ପେନ୍ସନ ଯୋଜନାଭୁକ୍ତ)ର ବାର୍ଷିକ ସାଧାରଣ ବୈଠକ ସଂଘର ସ୍ଥାୟୀ ସଭାପତି ଜୟପ୍ରକାଶ ପ୍ରଧାନଙ୍କ ସଭାପତିତ୍ୱରେ ରବିବାର ଅନୁଷ୍ଠିତ ହୋଇଯାଇଛି। ଏଥିରେ ୨୫୦ରୁ ଉର୍ଦ୍ଧ ଶିକ୍ଷକ, ଶିକ୍ଷୟିତ୍ରୀ ଯୋଗ ଦେଇଥିଲେ। ସଂଘର ସଂପାଦକ ଲକ୍ଷ୍ମୀଧର ସାହୁ ବିବରଣୀ ପାଠ କରିଥିଲେ। ବରିଷ୍ଠ ଉପଦେଷ୍ଠା ବିକ୍ରମ ରଥ, ଚିନ୍ତାମଣୀ ଓଝା, କୋଷାଧ୍ୟକ୍ଷ ରଶ୍ମୀରଞ୍ଜନ ସେଠୀ, ସନ୍ତୋଷ ନାୟକ, ଦୁଷ୍ମନ୍ତ ବଳିଆରସିଂହ, ସଞ୍ଜୁକ୍ତା ମହାପାତ୍ର, ରମେଶ ଦାସ, ଅଭିମନ୍ୟୁ ଦାସ, ବିଛନ୍ଦ ମହାପାତ୍ର, ବୈକୁଣ୍ଠ ବିଶ୍ୱାଳ, ନିରଞ୍ଜନ ବଢେଇ ପ୍ରମୁଖ ଯୋଗଦେଇ ସଂଘର ଆଗାମୀ କାର୍ଯ୍ୟପନ୍ଥା ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ଅବସରପ୍ରାପ୍ତ ଶିକ୍ଷୟିତ୍ରୀ ଜ୍ୟୋସ୍ନା ମିଶ୍ର, ଜ୍ୟୋସ୍ନା କୁମାରୀ ମହାନ୍ତି, ମାନସୀ ରାୟ, ସୌଦାମିନୀ ରାଉତରାୟ, ହରପ୍ରିୟା ପ୍ରଧାନ ଓ ଶିକ୍ଷକ ଗଙ୍ଗାଧର ବରାଳଙ୍କୁ ମାନପତ୍ର ଓ ଉପଢୌକନ ପ୍ରଦାନ କରାଯାଇ ସଂବର୍ଦ୍ଧିତ କରାଯାଇଥିଲା।
Comments are closed.