ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା: କନ୍ଧମାଳର ଶ୍ରେୟାଂସ ସାହୁ ଓ ସ୍ବାଦ୍ଧି ମୈତ୍ରୀ ପୁରସ୍କୃତ

ଫୁଲବାଣୀ:ପୁରୀର ପ୍ରଜ୍ଞାନ ମିଶନ ତରଫରୁ ଫୁଲବାଣୀରେ ଅନୁଷ୍ଠିତ ହୋଇଥିବା ବ୍ଲକସ୍ତରୀୟ ଓ ଜିଲାସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ କୃତିତ୍ୱ ହାସଲ କରି ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେଇ କନ୍ଧମାଳର କେନ୍ଦ୍ରୀୟ ବିଦ୍ୟାଳୟ ରେ ୫ମ ଶ୍ରେଣୀରେ ପଢ଼ୁଥିବା ଶ୍ରେୟାଂସ ସାହୁ ଓ ସ୍ବାମୀ ଚିଦାନନ୍ଦ ବିଦ୍ୟାଳୟରେ ପଢ଼ୁଥିବା ସ୍ୱାଦ୍ଧି ମୈତ୍ରୀ ରାଜ୍ୟ ସ୍ତରୀୟରେ କୃତିତ୍ୱ ହାସଲ କରି ଜିଲା ପାଇଁ ଗୌରବ ଆଣି ଦେଇଛନ୍ତି। ଏଇ ପ୍ରତିଯୋଗିତାରେ ସେମାନଙ୍କୁ ମାନପତ୍ର ସହିତ ଟ୍ରଫି ପ୍ରଦାନ କରାଯାଇଛି। ଏଥି ସହିତ ଏକ ବର୍ଷ ପର୍ୟ୍ୟନ୍ତ ମାସିକ ବୃତ୍ତି ମଧ୍ୟ ଘୋଷଣା କରାଯାଇଛି।
ପୁରୀ ସ୍ଥିତ ବାଲିଘାଇ ଗୁରୁକୁଳ ଆଶ୍ରମ ଠାରେ ଏହି ରାଜ୍ୟ ସ୍ତରୀୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପୁରୀ ଗଜପତି ମହାରାଜା ଓ ଅନ୍ୟ ଗୁରୁମାନଙ୍କ ଦ୍ବାରା ସେମାନେ ପୁରସ୍କୃତ ହୋଇଥିବା ବେଳେ ସେମାନଙ୍କ କୃତିତ୍ୱ ପାଇଁ ପରିବାର ବର୍ଗ, ଶିକ୍ଷକ ଶିକ୍ଷୟିତ୍ରୀ ଶୁଭେଚ୍ଛା ଜଣାଇଛନ୍ତି।