କେନ୍ଦୁଝରଗଡ : କେନ୍ଦୁଝର ଟାଉନ ପୁଲିସ ଓ ଅବକାରୀ ବିଭାଗ ପକ୍ଷରୁ ଶନିବାର ଟାଉନ ଥାନା ଅଞ୍ଚଳରେ ଚଢ଼ାଉ କରାଯାଇଛି। ଚଢ଼ାଉ ସମୟରେ ବ୍ୟାପକ ଦେଶୀ ମଦ ପୁଲିସ ଜବତ କରିଛି। ପୁଲିସ ପକ୍ଏଷରୁ ହି ମାମଲାରେ ୪ଜଣ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି। ଗିରଫ ବ୍ୟକ୍ତି ମାନେ ହେଲେ ଷଠିଘରସାହିର ପାପୁନ ପାତ୍ର (୨୫), ଆଟୋପୁରର ବିଦେଶୀ ବେହେରା (୪୦) ଓ ସୁରେନ ବେହେରା (୪୩) ଏବଂ ପୁରୁଣାବଜାର ସମାଧିସାହିର ପାପୁନ ମୁଣ୍ଡା (୨୪) ବୋଲି ଟାଉନ ପୁଲିସ ପକ୍ଷରୁ କୁହାଯାଇଛି। ଆରକ୍ଷୀ ଅଧିକ୍ଷକ ନିତିନ କୁଶଲକରଙ୍କ ନିର୍ଦେଶକ୍ରମେ ଟାଉନ ଥାନା ଅଞ୍ଚଳ ଆଟୋପୁର, ପୁରୁଣାବଜାର, ସମାଧିସାହି, ଷଠିଘରସାହି, ଜୁଡିଆ ମୁଣ୍ଡାସାହିରେ ଚଢ଼ଉ କରାଯାଇ ୧୦୮ଲିଟର ଦେଶୀ ମଦ ଜବତ କରିବା ସହ ଜୁଡିଆ ଜଙ୍ଗଲ ଅଞ୍ଚଳରେ ୧୮୦୦ କି.ଗ୍ରା. ପୋଚ ନଷ୍ଟ କରାଯାଇଛି।
Comments are closed.