କଲ୍ୟାଣସିଂହପୁର: ରାୟଗଡ ଜିଲା କଲ୍ୟାଣସିଂହପୁର ବ୍ଲକରେ ଥିବା ସତ୍ୟ ସାଇବାବାଙ୍କ ମନ୍ଦିରରେ ବାବାଙ୍କ୯୮ ତମ ଜନ୍ମ ଜୟନ୍ତୀ ଆଡମ୍ବର ସହକାରେ ପାଳିତ କରାଯାଇଛି। ସତ୍ୟ ସାଇବାବାଙ୍କ ଜୟନ୍ତୀ ଉପଲକ୍ଷେ ଆବାହକ ସାଙ୍ଗମ ନୀଳକଣ୍ଠଙ୍କ ନେତୃତ୍ବରେ ଯୁବ ଆବାହକ ଶିଲା ନିରଞ୍ଜନ ଏବଂ ମହିଳା ଆବାହିକା ପ୍ରମିଳା ପଟ୍ଟନାୟକଙ୍କ ଦ୍ୱାରା ଚଳିତ ମାସ ୧୯ ତାରିଖ ଠାରୁ ୨୩ ତାରିଖ ୫ଦିନ ଧରି ବାବାଙ୍କ ଜନ୍ମ ଜୟନ୍ତୀ ପାଳନ କରାଯାଇଛି।
ଜନ୍ମ ଜୟନ୍ତୀ ଅବସରରେ କଲ୍ୟାଣସିଂହପୁର ସ୍ୱାସ୍ଥ୍ୟକେନ୍ଦ୍ରରେ ରୋଗୀଙ୍କୁ ଫଳ ଓ କ୍ଷୀର ବଣ୍ଟନ କରିଥିଲେ । ୯୮ଜଣ ଗରୀବ ଲୋକଙ୍କୁ କମ୍ବଳ ବଣ୍ଟନ କରିଥିଲେ ।୯୮ ମିନିଟ ସମୟ ଧରି ସାଇ ଭଜନ ଓ ସଂକୀର୍ତ୍ତନ ଉତ୍ସବ କରାଯାଇଛି ।ଏଅବସରରେ ପ୍ରାୟ ୨ ହଜାର ଲୋକଙ୍କୁ ଅର୍ଣ୍ଣପ୍ରସାଦ ବଣ୍ଟନ କରିଥିଲେ ଓ ସନ୍ଧ୍ୟାରେ ୯୮ଟି ଦୀପ ଯଜ୍ଞ କରିଥିଲେ। ଏଥିରେ ଉପଦେଷ୍ଟା ଗୁଡ଼ଲା ପ୍ରସାଦ ରାଓ ଓ ସତ୍ୟ ସାଇ ବାବାଙ୍କ ଭକ୍ତ ମାନେ ବିଭିନ୍ନ ଅଞ୍ଚଳ ରୁ ଆସି ଉପସ୍ଥିତ ରହି ସମ୍ପୂର୍ଣ୍ଣ ସହଯୋଗ କରିଥିଲେ।
Comments are closed.