କଟକ: ଜନଗହଳିପୂର୍ଣ୍ଣ ରାଣୀହାଟ କେନାଲ ରୋଡରେ ଥିବା ଇଲେକ୍ଟ୍ରି ଭେଇକିଲ ଶୋ’ରୁମରେ ଭୟାବହ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ଏହି ଅଗ୍ନିକାଣ୍ଡରେ ଶୋ’ ରୁମରେ ଥିବା ସବୁ ଗାଡ଼ି ଜଳିଯାଇଛି। ଏହାସହିତ ଇଲେକ୍ଟ୍ରି ଭେଇକିଲ ଶୋ’ ରୁମ ଜାଳିପୋଡ଼ି ସମ୍ପୂର୍ଣ୍ଣ ଛାରଖାର ହୋଇଯାଇଛି। ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି।
ମିଳିଥିବା ସୂଚନା ଅନୁସାରେ ଅଗ୍ନିକାଣ୍ଡ ବେଳେ ଶୋ’ରୁମ୍ରେ କେ ପ୍ରାୟ ୧୦ରୁ ୧୫ଟି ଗାଡ଼ି ରହିଥିଲା। ତେଣୁ ଯାହା ବି ଗାଡ଼ି ଥିଲା, ସବୁ ପୋଡ଼ି ପାଉଁଶ ହୋଇଯାଇଛି। ଏହାସହିତ ଶୋ’ ରୁମ୍ରେ ଥିବା ସବୁ ସାମଗ୍ରୀ ଜଳିଯାଇଛି।
ଇଲେକ୍ଟ୍ରି ଭେଇକିଲ ଶୋ’ ରୁମରେ ଲାଗିଥିବା ନିଆଁକୁ ଅଗ୍ନିଶମ ବାହିନୀ ଆୟତ୍ତ କରିଥିବାବେଳେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ି ନାହିଁ। ତେବେ ତଦନ୍ତ ପରେ ଶୋ’ ରୁମରେ କିଭଳି ନିଆଁ ଲାଗିଲା ଓ କେତେ ସଂପତ୍ତି ନଷ୍ଟ ହୋଇଛି ତାହା ଜଣାପଡ଼ିବ ବୋଲି ପୁଲିସ ପକ୍ଷରୁ କୁହାଯାଇଛି।
Comments are closed.