ହରଭଙ୍ଗା: ହରଭଙ୍ଗା ବ୍ଲକ ଚାରିଛକ ଉଚ୍ଚ ବିଦ୍ୟାଳୟ ପରିସରରେ ଗୁରୁବାର ବ୍ଲକ ସ୍ତରୀୟ ସୁରଭି କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ହରଭଙ୍ଗା ଗୋଷ୍ଠୀ ଶିକ୍ଷାଧିକାରୀ ଅଜୟ କୁମାର ଲୁହାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୁର୍ବତନ ବିଇଓ ଦେବରାଜ ପ୍ରଧାନ, ସମ୍ମାନିତ ଅତିଥି ଭାବେ ଏବିଇଓ ଜ୍ୟୋସ୍ନାମୟୀ ମହାପାତ୍ର, ସତ୍ୟ ନାରାୟଣ ମିଶ୍ର,ବିଆରସିସି ଜଗତ ମଲ୍ଲିକ ଯୋଗ ଦେଇଥିଲେ।ପୁର୍ବରୁ ବିଭିନ୍ନ କ୍ଲଷ୍ଠର ସ୍ତରରେ ଅନୁଷ୍ଠିତ ହୋଇଥିବା ସୁରଭି କାର୍ଯ୍ୟକ୍ରମରେ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ଆଜି ବ୍ଲକ ସ୍ତରୀୟ ସୁରଭିରେ ଯୋଗ ଦେଇଥିଲେ ।
ବ୍ଲକର ବିଭିନ୍ନ ସ୍କୁଲର ୭ଶହରୁ ଉର୍ଦ୍ଧ ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗିତାରେ ଭାଗ ନେଇ କୃତୀ ପ୍ରତିଯୋଗୀଙ୍କୁ ମାନପତ୍ର ସହ ପୁରଷ୍କାର ବିତରଣ କରାଯାଇଥିଲା। ବ୍ଲକ ସ୍ତରୟୀ କ୍ୃତି ଛାତ୍ରଛାତ୍ରୀ ଜିଲ୍ଲା ସ୍ତରୀୟ ସୁରଭି କାର୍ଯ୍ୟକ୍ରମରେ ଯୋଗ ଦେବେ।ଏହି କାର୍ଯ୍ୟକ୍ରମରେ ବାଣିଭୁଷଣପୁର ସିଆରସିସି ହରମୋହନ ଦନାୟକ ମଂଚ ପରିଚାଳନ କରିଥିବା ବେଳେ ରାମଗଡ ସିଆରସିସି ସୁବାଶ ଚନ୍ଦ୍ର ବିଶି ଧନ୍ୟବାଦ ପ୍ରଦାନ କରିଥିଲେ।ସ୍ଥାନୀୟ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ଏବଂ ବିଦ୍ୟାଳୟ କର୍ମକର୍ତ୍ତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.