ତ୍ରିରଙ୍ଗା ପ୍ରତି ସମ୍ମାନ ଦେଖାଇବାରୁ ମୁସଲିମ୍ ଯୁବକମାନଙ୍କୁ ମୌଲବୀ ଏବଂ ତାଙ୍କରି ସମର୍ଥକଙ୍କ ଧମକ – ଭୟରେ କଲେ ଏପରି କାମ
ଅହମ୍ମଦାବାଦ- ତ୍ରିରଙ୍ଗାକୁ ସମ୍ମାନ ନ ଦେବା ପାଇଁ ଗୁଜୁରାଟ ପୋରବନ୍ଦରରେ ଜଣେ ମୌଲବୀ ଫତଓ୍ୱା ଜାରି କରିଥିଲେ । ମାତ୍ର ଏହାକୁ ତିନିଜଣ ମୁସଲିମ୍ ଯୁବକ ବିରୋଧ କରିଥିଲେ । ଦେଶଭକ୍ତି ହିଁ ସର୍ବଶ୍ରେଷ୍ଠ ଦେଶ ରହିଲେ ସମସ୍ତେ ରହିବେ ବୋଲି ସେମାନେ ସାମାଜିକ ଗଣମାଧ୍ୟମରେ କହିଥିଲେ । ତାଙ୍କରି ସମୁଦାୟର ଲୋକ ସେମାନଙ୍କୁ ଧମକ ଦେବା ସହ ପ୍ରତାଡିତ କରୁଥିବା ଏହି ତିନି ଯୁବକ ଇନଷ୍ଟାଗ୍ରାମରେ କହିବା ସହ, ଫିନାଇଲ୍ ପିଇ ଦେଇଛନ୍ତି ।
ମୌଲବୀ ଜଣଙ୍କ ଦେଶକୁ ଅସମ୍ମାନ କରିବାପରି ଫତଓ୍ୱା ଜାରି କରିଥିବା ଅଭିଯୋଗ ହୋଇଛି । ଏହାକୁ ଖାରିଜ କରିବା ବଦଳରେ ଦେଶପ୍ରେମ ଦେଖାଉଥିବା ମୁସଲିମ୍ ଯୁବକମାନଙ୍କ ଉପରେ ମୌଲବୀଙ୍କ ସମର୍ଥକ ନିର୍ଯାତନା ଆରମ୍ଭ କରିଥିବା ଅଭିଯୋଗ ହୋଇଛି । ଏହି ମୌଲାନାଙ୍କର ଅଡିଓ କ୍ଲିପ୍ ଏବଂ ବିଭିନ୍ନ ସମାଜିକ ଗଣମାଧ୍ୟମରେ ଭାଇରାଲ୍ ହେଉଛି ।
ମୌଲବୀ ଏହା ତାଙ୍କର ସ୍ୱର ନୁହେଁ ବୋଲି କହିଛନ୍ତି । ଏହାକୁ ଫୋରେନସିକ୍ ଯାଞ୍ଚ୍ ପାଇଁ ପଠାଯାଇଥିବା ପୋରବନ୍ଦରର ଏସ୍ପି ସୂଚନା ଦେଇଛନ୍ତି । ଏହି ଯୁବକମାନେ ଅଡିଓ କ୍ଲିପ୍ ବିରୋଧରେ ପ୍ରଦର୍ଶନ କରିଥିଲେ। ଏହା ପରେ ସେମାନଙ୍କ ନାମରେ ମୌଲବୀଙ୍କ ସମର୍ଥକ ଥାନାରେ ମାମଲା ରୁଜୁକରିଛନ୍ତି ଏହି ଯୁବକମାନେ ଆକ୍ରମଣ ପାଇଁ ଧମକ ଦେଇଥିବା ଅଭିଯୋଗ କରାଯାଇଛି । ମାତ୍ର ସେମାନଙ୍କ ନାଁରେ ମିଛରେ ମାମଲା ରୁଜୁ କରାଯିବା ସହ ସେମାନଙ୍କୁ ପ୍ରତାଡିତ କରାଯାଉଛି ବୋଲି ଯୁବକମାନେ କହିଛନ୍ତି ।
Comments are closed.