ଭାରତର ପ୍ରଥମ ଲର୍ଣ୍ଣିଂ ବୁକ୍ ନୂଆ ଜିଓବୁକ୍ ଉନ୍ମୋଚିତ, ମାତ୍ର ୧୬୪୯୯ ଟଙ୍କାରେ ଅଗଷ୍ଟ ୫ରୁ ଉପଲବ୍ଧ ହେବ

– ରିଲାଏନ୍ସ ଡିଜିଟାଲ୍‌ରୁ ଅନଲାଇନ୍ ଓ ଅଫ୍‌ଲାଇନ୍ ମାଧ୍ୟମରେ ଏବଂ ଆମାଜନ୍ ଡଟ୍ ଇନ୍ ରୁ କ୍ରୟ କରାଯାଇପାରିବ

ଭୁବନେଶ୍ୱର: ରିଲାଏନ୍ସ ରିଟେଲ୍ ପକ୍ଷରୁ ଏକ ବୈପ୍ଳବିକ ଲର୍ଣ୍ଣିଂ ବୁକ୍ ଭାବରେ ସମ୍ପୂର୍ଣ୍ଣ ନୂଆ ଜିଓବୁକ୍ ଉନ୍ମୋଚନ କରାଯାଇଛି । ସମସ୍ତ ବୟସ ବର୍ଗର ଆବଶ୍ୟକତା ପୂରଣ କରିବା ଲାଗି ପ୍ରସ୍ତୁତ କରାଯାଇଥିବା ଏହି ଷ୍ଟାଇଲିସ୍ ଲର୍ଣ୍ଣିଂ ବୁକ୍ ନୂଆ ଜିଓବୁକ୍ ଉନ୍ନତ ଜିଓ ଓଏସ୍ ଅପରେଟିଂ ସିଷ୍ଟମ୍ ସହିତ ସଦାସର୍ବଦା ସଂଯୁକ୍ତ ରହିଛି । ପ୍ରତ୍ୟେକଙ୍କ ଶିକ୍ଷଣୀୟ ଅନୁଭୂତିକୁ ବଦଳାଇବାର ପ୍ରତିଶ୍ରୁତି ଦେଉଛି ଜିଓବୁକ୍ ।

ଅନଲାଇନ୍ ପାଠପଢ଼ାରେ ଭାଗ ନେବାଠାରୁ ଆରମ୍ଭ କରି କୋଡ୍ ଶିକ୍ଷା ଗ୍ରହଣ କରିବା କିମ୍ବା ଏକ ଯୋଗ ଷ୍ଟୁଡିଓର ଶୁଭାରମ୍ଭ କରିବା ଭଳି ନୂତନ ସଂସ୍ଥା ଆରମ୍ଭ କରିବାର ଅନ୍ୱେଷଣ କିମ୍ବା ଅନଲାଇନ୍ ଟ୍ରେଡିଂ କ୍ଷେତ୍ରରେ ପ୍ରବେଶ କରିବା ଆଦି ପର୍ଯ୍ୟନ୍ତ ଜିଓବୁକ୍ ସମସ୍ତ ଶିକ୍ଷଣୀୟ ଉଦ୍ୟମ ପାଇଁ ଉଲ୍ଲେଖନୀୟ ପ୍ଲାଟଫର୍ମ ପ୍ରଦାନ କରିବ ।

ରିଲାଏନ୍ସ ରିଟେଲ୍‌ର ପ୍ରବକ୍ତା କହିଛନ୍ତି ଯେ, “ଅଭିନବ ଉତ୍ପାଦର ଶୁଭାରମ୍ଭ କରିବାକୁ ଆମେ ସମର୍ପିତ ଯାହା ଶିକ୍ଷଣୀୟ ଯାତ୍ରାରେ ଲୋକମାନଙ୍କୁ ସଶକ୍ତ କରିବ । ନୂଆ ଜିଓବୁକ୍ ହେଉଛି ଆମର ନୂଆ ଉତ୍ପାଦ ଯାହା ଉନ୍ନତ ସୁବିଧା ସଯୋଗ ଏବଂ ନିରବଚ୍ଛିନ୍ନ ସଂଯୋଗ ବିକଳ୍ପ ସହିତ ସବୁ ବୟସ ବର୍ଗର ଶିକ୍ଷାର୍ଥୀଙ୍କ ଆବଶ୍ୟକତା ପୂରଣ କରିବ । ଆମର ବିଶ୍ୱାସ ରହିଛି ଯେ ଲୋକମାନେ ଯେଉଁଭଳି ଶିକ୍ଷାଗ୍ରହଣ କରୁଛନ୍ତି ତାହାକୁ ଜିଓବୁକ୍ ବଦଳାଇ ବ୍ୟକ୍ତିଗତ ଅଭିବୃଦ୍ଧି ଓ ଦକ୍ଷତା ବିକାଶର ନୂତନ ସୁଯୋଗ ଉନ୍ମୁକ୍ତ କରିବ ।’’

ବ୍ୟବହାରକାରୀମାନଙ୍କ ସୁବିଧା ଓ ଆରାମକୁ ଦୃଷ୍ଟିରେ ରଖି ଜିଓ ଓଏସ୍‌କୁ ପ୍ରସ୍ତୁତ କରାଯାଇଛି । ଏଥିରେ ୪ଜି-ଏଲ୍‌ଟିଇ ଓ ଡୁଆଲ୍ ବ୍ୟାଣ୍ଡ୍ ୱାଇ-ଫାଇ ସୁବିଧା ରହିଛି ଯାହା ଜିଓବୁକ୍‌କୁ ସର୍ବଦା ସଂଯୋଗରେ ରଖିବ ।

 ଏହା ବ୍ୟତୀତ ଏଥିରେ ରହିଛି ଆକର୍ଷଣୀୟ ଇଣ୍ଟରଫେସ୍‌, ୭୫ରୁ ଅଧିକ କି’ବୋର୍ଡ ସର୍ଟକର୍ଟ, ଟ୍ରାକ୍‌ପ୍ୟାଡ୍ ଜେଶ୍ଚର, ସ୍କ୍ରିନ୍ ଏକ୍ସଟେନ୍‌ସନ୍‌, ଓୟାରଲେସ୍ ପ୍ରିଣ୍ଟିଂ, ଏକାଧିକ କାର୍ଯ୍ୟ ସମ୍ପାଦନ କରାଯାଇପାରୁଥିବା ସ୍କ୍ରିନ୍‌, ସମନ୍ୱିତ ଚାଟ୍‌ବଟ୍‌, ଜିଓ ଟିଭି ଆପ୍ ଜରିଆରେ ଶିକ୍ଷଣୀୟ ବିଷୟବସ୍ତୁ ହାସଲ ସୁବିଧା, ଜିଓ କ୍ଲାଉଡ୍ ଗେମ୍‌ସ ଜରିଆରେ ପ୍ରମୁଖ ଗେମିଙ୍ଗ ଟାଇଟଲ ହାସଲ ସୁଯୋଗ ଏବଂ ଜିଓବିୟାନ୍ କୋଡିଂ ପରିବ୍ୟବସ୍ଥା ଯାହା ଜରିଆରେ ଛାତ୍ରଛାତ୍ରୀମାନେ ସି / ସି++, ଜାଭା, ପାଇଥନ୍ ଓ ପର୍ଲ ଆଦି ବିଭିନ୍ନ ଭାଷାର କୋଡ୍ ଶିଖିପାରିବେ ।

ଜିଓବୁକ୍‌ର ଅନ୍ୟତମ ଆକର୍ଷଣ ହେଉଛି ଏହାର ମ୍ୟାଟ୍ ଫିନିସ୍‌ର ଷ୍ଟାଇଲିସ୍ ଡିଜାଇନ୍‌, ପତଳା ଗଠନ ଶୈଳୀ ଏବଂ ହାଲୁକା ଓଜନ (ମାତ୍ର ୯୯୦ ଗ୍ରାମ) । ଏହା ପତଳା ହୋଇଥିବା ସତ୍ୱେ ଚମତ୍କାର ପ୍ରଦର୍ଶନ କରିବ କାରଣ ଏଥିରେ ରହିଛି ଶକ୍ତିଶାଳୀ ୨.୦ ଗିଗାହର୍ଜ ଅକ୍ଟା-କୋର୍ ପ୍ରୋସେସର, ୪ ଜିବି ଏଲ୍‌ପିଡିଡିଆର୍୪ ରାମ୍‌, ୬୪ ଜିବି ରମ୍ ଷ୍ଟୋରେଜ୍ (ଏସ୍‌ଡି କାର୍ଡ ଜରିଆରେ ୨୫୬ ଜିବିକୁ ବଢ଼ାଇ ହେବ), ଇନଫିନିଟି କିବୋର୍ଡ, ବଡ଼ ଟ୍ରାକ୍‌ପ୍ୟାଡ୍ ଓ ଇନ୍‌ବିଲ୍‌ଟ ୟୁଏସ୍‌ବି/ ଏଚ୍‌ଡିଏମ୍‌ଆଇ ପୋର୍ଟ ଇତ୍ୟାଦି । ଏଥିରେ ୧୧.୬ ଇଂଚ୍‌ର ଆଣ୍ଟି-ଗ୍ଲେୟର ଏଚଡ଼ି ଡିସପ୍ଲେ ସ୍କ୍ରିନ୍‌, ଏଚଡ଼ି ୱେବକ୍ୟାମ ଓ ଉତ୍ତମ ଅଡିଓ ସୁବିଧା ରହିଛି । ଏଥିସହିତ ୮ ଘଣ୍ଟାରୁ ଅଧିକ ସମୟ କାର୍ଯ୍ୟ କରିବା ଭଳି ଶକ୍ତିଶାଳୀ ବ୍ୟାଟେରୀ ଏବଂ ଏକବର୍ଷ ପାଇଁ କୁଇକହିଲ ଆଣ୍ଟି ଭାଇରସ ସୁରକ୍ଷା ସୁବିଧା ରହିଛି ।

୨୦୨୩ ଅଗଷ୍ଟ ୫ରୁ ୧୬,୪୯୯ ଟଙ୍କାରେ ଜିଓ ବୁକ୍ ବଜାରରେ ଉପଲବ୍ଧ ହେବ । ଗ୍ରାହକମାନେ ରିଲାଏନ୍ସ ଡିଜିଟାଲ୍‌ର ଅନଲାଇନ୍ ଓ ଅଫ୍‌ଲାଇନ୍ ଷ୍ଟୋର୍ କିମ୍ବା ଆମାଜନ୍ ଡଟ୍ ଇନ୍‌ରୁ ଜିଓବୁକ୍‌କୁ କିଣିପାରିବେ ।