ବିଶ୍ୱକପ୍ କ୍ରିକେଟ୍ ପାଇଁ ଭାରତ ଆସିବନି କି ପାକିସ୍ତାନ ଟିମ୍-ପାକ୍ ପ୍ରଧାନମନ୍ତ୍ରୀ ଶାହବାଜ କହିଲେ କିମିଟି ନେବ ନିଷ୍ପତ୍ତି
କରାଚୀ – ଚଳିତ ବର୍ଷ ଭାରତରେ ବିଶ୍ୱକପ୍ କ୍ରିକେଟ୍ର ଆୟୋଜନ କରାଯିବ । ଆଇସିସି ଏ ନେଇ ସମୟ ସାରଣୀ ପ୍ରକାଶ କରିଛି । ଆଇସିସି କ୍ରିକେଟ ବିଶ୍ୱକପ୍ ଖେଳିବାକୁ ଥିବା ସମସ୍ତ କ୍ରିକେଟ ଟିମ୍ ଭାରତ ଆସିବେ । ମାତ୍ର ପାକିସ୍ତାନ ଭାରତ ଆସିବା ପାଇଁ ଅରାଜି ହେଉଛି । ପାକିସ୍ତାନ ଟିମ୍ କ୍ରିକେଟ୍ ଖେଳିବା ପାଇଁ ଭାରତ ଯିବେ କି ନାହିଁ ସେ ବିଷୟେ ଏକ ଉଚ୍ଚସ୍ତରୀୟ ଦଳ ନିଷ୍ପତ୍ତି ଗ୍ରହଣ କରିବେ ବୋଲି ପାକିସ୍ତାନ ପ୍ରଧାନମନ୍ତ୍ରୀ ଶାହାବାଜ ସରିଫ୍ କହିଛନ୍ତି ।
ଏହି କମିଟି ଭାରତ ଏବେ ପାକିସ୍ତାନ ସମ୍ପର୍କ ବିଷୟରେ ଅନୁଧ୍ୟାନ କରିବା ପରେ ତାଙ୍କ ଟିମ୍ ଭାରତଗସ୍ତ କରିବ କି ନାହିଁ ସେ ବିଷୟରେ ଦସ୍ତାବିଜ୍ ପ୍ରସ୍ତୁତ କରି ପାକିସ୍ତାନ ପ୍ରଧାନମନ୍ତ୍ରୀଙ୍କୁ ପ୍ରଦାନ କରିବେ ।
ପାକିସ୍ତାନ ଗୁଜୁରାଟର ଅହମ୍ମଦାବାଦରେ ଖେଳିବା ପାଇଁ ଚାହୁଁନାହିଁ । ହାଇଦ୍ରାବାଦ, କୋଲକତା , ଚେନ୍ନାଇ କିମ୍ବା ବେଙ୍ଗାଲୁରୁରେ ଖେଳିବା ପାଇଁ ପାକିସ୍ତାନ କ୍ରିକେଟ ବୋର୍ଡ ଆଇସିସିକୁ ସୁପାରିଶ କରିବା ବୋଲି ଜଣାପଡିଛି ।
ପାକିସ୍ତାନର ଏହି କମିଟିରେ ସେଠାକାର ଖେଳମନ୍ତ୍ରୀ ଅହସନ ମଜୀରଙ୍କ ସହ ମରିୟମ ଔରଙ୍ଗଜେବ, ଅସଦ ମହମ୍ମୁଦ , ଅମୀନ ଉଲ ହକ ଏବଂକମର ଜମାନ କୈରା ରହିଛନ୍ତି ।
Comments are closed.