ଇଚ୍ଛା ଶକ୍ତି ଆଗରେ ଅର୍ଥ ସାଜି ପାରିନି ବାଧା- ଛାତ୍ରୀ ସୋନାଲିନ ଉତ୍କଳ ବିଶ୍ୱବିଦ୍ୟାଳୟ ଗୃହ ବିଜ୍ଞାନ ଟପ୍ପର

ଗୁରୁଡିଝାଟିଆ – ଉତ୍କଳ ବିଶ୍ୱବିଦ୍ୟାଳୟ ଦ୍ୱାରା ପରିଚାଳିତ ଯୁକ୍ତତିନି ସମ୍ମାନ ପରୀକ୍ଷାରେ କଖଡି ମହାନଦୀ ଡିଗ୍ରୀ ମହାବିଦ୍ୟାଳୟ ଛାତ୍ରୀ ସୋନାଲିନ କର ଗୃହ ବିଜ୍ଞାନ ସମ୍ମାନରେ ବିଶ୍ୱବିଦ୍ୟାଳୟରେ ସର୍ବୋଚ୍ଚ ନମ୍ବର ରଖି ଟପ୍ପର ହେବାର ଗୌରବ ଅର୍ଜନ କରିଛନ୍ତି ।

ମହାବିଦ୍ୟାଳୟର ପରିଚାଳନା କମିଟି ସଭାପତି ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ସୋନାଲିନ୍‌ ର କୃତୀତ୍ୱ ପାଇଁ ଅଭିନନ୍ଦନ ଜଣାଇବା ସହିତ ଉଜ୍ୱଳ ଭବିଷ୍ୟତ କାମନା କରିଛନ୍ତି । ମହାବିଦ୍ୟାଳୟ ଅଧ୍ୟକ୍ଷ ବିକାଶ ଚନ୍ଦ୍ର ଖଟୁଆ ଓ ସମସ୍ତ ଅଧ୍ୟାପକ ଅଧ୍ୟାପିକା ବିଶ୍ୱବିଦ୍ୟାଳୟରେ ମହାବିଦ୍ୟାଳୟ ନାମକୁ ସୋନାଲିନ ଜାଜୁଲ୍ୟମାନ କରିଥିବାରୁ ଅଭିନନ୍ଦନ ଜଣାଇଛନ୍ତି । ପ୍ରକାଶଯୋଗ୍ୟ ସୋନାଲିନର ଘର ବାରଙ୍ଗ ଥାନା ଅନ୍ତର୍ଗତ ତଳଗଡ ଗ୍ରାମରେ । ବାପା ଦୀପକ ଓ ମାଆ ସରୋଜିନୀ ଙ୍କ ଆର୍ଥିକ ଅବସ୍ଥା ଶୋଚନୀୟ । ଅଭାବ ଅନାଟନ ଭିତରେ ପାଠପଢି ସୋନାଲିନ ନିଜ ପରୀକ୍ଷାରେ ସଫଳତା ଅର୍ଜନ କରି ଦେଖାଇଛନ୍ତି ଅଭାବ ଥିଲେ ମଧ୍ୟ ଇଚ୍ଛାଶକ୍ତି ପାଇଁ ସବୁ ସମ୍ଭବ ।