ଅନୁଗୋଳ : ଅନୁଗୋଳ ବ୍ଲକ କରତପଟା ଛକ ନିକଟରେ ସୋମବାର ସକାଳୁ ଏକ ୧୦୮ଆମ୍ବୁଲାନ୍ସ ଯାହାର (ଓଡି ୦୨ ବିଜେ ୦୭୭୨) ଦୁର୍ଘଟଣାଗ୍ରସ୍ତ ହୋଇଛି। ପରେ ଏହା ରାସ୍ତା କଡରେ ଛିଡା ହୋଇଥିବା ଦେଖିବାକୁ ମିଳିଛି। ଘଟଣାରୁ ପ୍ରକାଶ ଯେ ଆମ୍ବୁଲାନ୍ସଟି ସକାଳୁ ଟିକରପଡା ଆଡକୁ ରୋଗୀ ଆଣିବାକୁ ଯାଉଥିଲା, ସେପଟେ ମୋବାଇଲ ନେଟୱର୍କ ନମିଳିବାରୁ ରୋଗୀଙ୍କ ସହ ତାଙ୍କର ଯୋଗାଯୋଗ ହୋଇପାରିନଥିଲା ଯାହାଫଳରେ ଗାଡ଼ିଟି ଖାଲି ଫେରୁଥିଲା। ଫେରିବା ବାଟରେ ବିପରୀତ ଦିଗରୁ ଏକ ଦୃତଗାମୀ ମଟର ସାଇକେଲ ଆମ୍ବୁଲାନ୍ସ ଆଡକୁ ମାଡି ଆସିଥିଲା, ମଟର ସାଇକେଲ ଆରୋହୀଙ୍କୁ ବଞ୍ଚାଇବାକୁ ଯାଇ ଆମ୍ବୁଲାନ୍ସକୁ ଡ୍ରାଇଭର ଗାଡିକୁ ନିଜ ବାମ ପଟକୁ କାଟିଦେଇଥିଲେ। ଫଳରେ ଗାଡିଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛରେ ବାଡ଼େଇ ହୋଇଯାଇଥିଲା। ଫଳରେ ଆମ୍ବୁଲାନ୍ସଟିର ବାମ ପଟ ମାଡ ହୋଇଥିବା ବେଳେ ଆଗ ଚକା ବାହାରି ତଳେ ପଡିଥିବା ଦେଖିବାକୁ ମିଳିଛି। ଏଥିରେ ବସିଥିବା ଡ୍ରାଇଭର ଓ କର୍ମଚାରୀଙ୍କର କୌଣସି କ୍ଷୟକ୍ଷତି ହୋଇ ନଥିବା ଜଣାପଡିଛି।
Comments are closed.