ବସ-ବାଇକ ମୁହାଁମୁହିଁ ଧକ୍କା, ଦୁଇ ଭାଇ୨ ମୃତ

ଗୁଣପୁର : ସ୍ଥାନୀୟ ବିକ୍ରମପୁର ବାଇପାସ ରୋଡ଼ ଠାରେ ରବିବାର ସନ୍ଧ୍ୟାରେ ବସ ବାଇକ ମୁହାଁ ମୁହିଁ ଧକ୍କା ଯୋଗୁଁ ୨ଭାଇଙ୍କ ମୃତ୍ୟୁ ଘଟିଛି । ଖବର ନେବାରୁ ଜଣା ପଡ଼ିଛି ଯେ ଚିଣ୍ଟୁ ଗୌଡ଼ (୮) ଏବଂ ସନ୍ତୋଷ ପ୍ରଧାନ (୨୨) ଦୁହେଁ ଏକ ବାଇକ ଯୋଗେ ରାମନାଗୁଡା ବ୍ଲକ ଆଚବା ଗ୍ରାମରେ ଥିବା ଅଜା ଘରକୁ ଯାଉଥିବା ବେଳେ ବିପରୀତ ପଟୁ ଆସୁଥିବା ଏକ ଘରୋଇ ବସ ସହ ଧକ୍କା ହୋଇଥିଲା । ଯଦ୍ୱାରା ଘଟଣା ସ୍ଥଳେ ହିଁ ୨ ଜଣଙ୍କର ମୃତ୍ୟୁ ଘଟିଛି। ଗୁଣପୁର ପୁଲିସ ଘଟଣା ସ୍ଥଳେ ପହଞ୍ଚି ୨ଟି ମୃତ ଦେହ ଜବତ କରି ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛି । ସୂଚନା ଯୋଗ୍ୟ ଯେ  ସନ୍ତୋଷର ଘର ଗଜପତି ଜିଲ୍ଲା ନୂଆଗଡ଼ ଗ୍ରାମ ହୋଇଥିବା ବେଳେ ସେ ଗୁଣପୁର ଠାରେ ଏକ ବ୍ୟବସାୟିକ ପ୍ରତିଷ୍ଠାନରେ କାର୍ଯ୍ୟ କରୁଥିବା ଜଣାପଡିଛି । ଚିଣ୍ଟୁର ନିଜ ଗ୍ରାମ ସର୍ଦ୍ଧାୟପୁର ଗ୍ରାମ ଜଣାପଡିଛି । ଦୁର୍ଘଟଣା ପରେ ବସ ଚାଳକ ଫେରାର ଥିବା ବେଳେ ପୋଲିସ ବସକୁ ଜବତ କରିଛି । ସୋମବାର ଶବ ବ୍ୟବଚ୍ଛେଦ କରାଯିବ ବୋଲି ପୁଲିସ ସୂଚନା ଦେଇଛି । ଏହି ମୃତ୍ୟୁ ନେଇ ଅଞ୍ଚଳରେ ଶୋକର ଛାୟା ଖେଳି ଯାଇଛି।