ଚୌଦ୍ୱାର: ବଡ଼ସାମନ୍ତରାପୁର ପଞ୍ଚାୟତର ବଡ଼ ପଦାଗାଁରେ ଭାଗବତ କଥାମୃତ ଜ୍ଞାନଯଜ୍ଞ କାର୍ଯ୍ୟକ୍ରମ ଶନିବାର ଅନୁଷ୍ଠିତ ହୋଇ ଯାଇଛି। କୈଳାସ ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଗ୍ରାମର ଭାଗବତ ଟୁଙ୍ଗୀରେ ଆୟୋଜିତ ଏହି କାର୍ଯ୍ୟକ୍ରମରେ ସତ୍ୟ ସନାତନ ଭାଗବତ ପ୍ରଚାର ସମିତି ସଭାପତି ସିଦ୍ଧେଶ୍ୱର ନାୟକ, ଶୁଭେନ୍ଦ୍ରନାଥ ଷଢ଼ଙ୍ଗୀ, ବିଚିତ୍ରନନ୍ଦ ନାୟକ, ପରମାନନ୍ଦ ସାହୁ, ତୋଫାନୀ ବାବା ପ୍ରମୁଖ ଅତିଥି ଭାବେ ଯୋଗଦେଇ ଭାଗବତ ଆଲୋଚନା କରିଥିଲେ।
ବଡ଼ପଦାଗାଁ ଭାଗବତ ସଭାପତି ହୃଷିକେଶ ମହାନ୍ତିଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ୨୭ଜଣ ଭାଗବତ ପ୍ରଚାର ପ୍ରତିନିଧିଙ୍କୁ ସମ୍ବର୍ଦ୍ଧିତ କରାଯାଇଥିଲା। ବିଦ୍ୟାଧର ବାରିକ, ଦାମୋଦର ରାଉତ, ବାଉରୀବନ୍ଧୁ ପରିଡ଼ା, ନାରାୟଣ ସୁନ୍ଦରା ପ୍ର୍ରମୁଖ ସହଯୋଗ କରିଥିଲେ। ରବି ନାରାୟଣ ସିଂ ଧନ୍ୟବାଦ ଅର୍ପଣ କରିଥିଲେ।
Comments are closed.