ଜି.ଉଦୟଗିରି: କଳିଙ୍ଗ ବୈଶ୍ୟ ମହିଳା ସଂଘ ପକ୍ଷରୁ ଆନ୍ତର୍ଜାତିକ ମହିଳା ଦିବସ ସଭାନେତ୍ରୀ ପି.ଲକ୍ଷ୍ମୀ ପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ସ୍ଥାନୀୟ ତହସିଲଦାର ଶୁଭ୍ରାଞ୍ଜଳି ପ୍ରଧାନ, ମୁଖ୍ୟବକ୍ତା ଭାବେ ଅଧ୍ୟାପକ ଡଃ ନଳିନୀ କୁମାର ପାଣିଗ୍ରାହୀ, ସମ୍ମାନିତ ଅତିଥି ଭାବେ ଥାନାଧିକାରୀ ଅଜୟ କୁମାର ସ୍ୱାଇଁ, ବୈଶ୍ୟ କୁଳ ସଭାପତି ପି. ସଂଜୀବ କୁମାର ପାତ୍ର ଯୋଗଦେଇ ମହିଳାମାନେ ମାନସିକ ସ୍ତରରେ ସବଳ ହୋଇ ସ୍ୱାବଲମ୍ବୀ ହେବା ସହିତ ମହିଳାମାନଙ୍କ ପାଇଁ ଉଦ୍ଦିଷ୍ଟ ବିଭିନ୍ନ ସରକାରୀ ଯୋଜନାର ସୁଯୋଗ ନେବା ଉଚିତ। ନିଜକୁ ଦୁର୍ବଳ ମନେ ନକରି ସାମାଜିକ, ଅର୍ଥନୈତିକ, ରାଜନୈତିକ କ୍ଷେତ୍ରରେ ପୁରୁଷମାନଙ୍କ ସହିତ ନିଜକୁ ସମକକ୍ଷ କରିବା ପାଇଁ ପ୍ରୟାସ କରିବା ଯଥାର୍ଥ ବୋଲି ଅତିଥିମାନେ ମତବ୍ୟକ୍ତ କରିଥିଲେ। ସଂଘର ସଂପାଦିକା ସି.ଏଚ୍. ସ୍ୱାଗତିକା ପାତ୍ର ଓ କୋଷାଧ୍ୟକ୍ଷା ବି.ଝିଲ୍ଲି ପାତ୍ର ମଞ୍ଚାସୀନ ଥିବା ବେଳେ ଅଶୋକ କୁମାର ପାତ୍ର କାର୍ୟ୍ୟକ୍ରମର ସଂଯୋଜନା କରିଥିଲେ।
Popular Categories
Previous article
Next article