ବନମାଳିପୁର : ରାସ୍ତା ପାର୍ଶ୍ବରେ ଥିବା ଏକ ଡମ୍ପର ସହ କାର୍ ଧକ୍କା ହେବା ଫଳରେ ଜଣକର ମୃତ୍ୟୁ ହୋଇଥିବା ବେଳେ ୩ଜଣ ଗୁରୁତର ହୋଇଛନ୍ତି। ଆହତଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଛି। ସୂଚନାରୁ ପ୍ରକାଶ ଯେ ବିଶ୍ବରଞ୍ଜନ ବେହେରା (୫୦) କାରରେ ଫୁଲନଖରାରୁ ନିଜ ଶଶୁର ଘର ପହଙ୍ଗା ଯାଉଥିବା ବେଳେ ଆମଣାକୁଦ ଛକରେ ଦୁର୍ଘଟଣା ଘଟିଥିଲା। ଡମ୍ଫର ଚାଳକ ଗାଡ଼ି ରଖି ଢାବାରେ ଖାଉଥିବାବେଳେ କାର୍ଟି ଡମ୍ଫରକୁ ପଛରୁ ଧକ୍କା ଦେଇ ଭିତରକୁ ପଶିଯାଇଥିଲା। ସ୍ଥାନୀୟ ଲୋକେ କାର୍ ମଧ୍ୟରୁ ଆହତଙ୍କୁ ଉଦ୍ଧାର କରି ଅଡ଼ଶପୁର ଉନ୍ନୀତ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ। ସେଠାରେ ବିଶ୍ବରଞ୍ଜନଙ୍କ ପୁଅ ବିଭାଂଶୁ (୭)ଙ୍କୁ ଡାକ୍ତର ମୃତ ଘୋଷଣା କରିଥିଲେ। ଗୁରୁତର ଆହତ ହୋଇଥିବା ବିଶ୍ବରଞ୍ଜନ, ପତ୍ନୀ ସନ୍ଧ୍ୟାରାଣୀ, ୨ବର୍ଷର ଝିଅ ବଂଶୀଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଥିବା ସୂଚନା ମିଳିଛି।
Comments are closed.