ମୁମ୍ବଇ – ଅକ୍ଷୟକୁମାରଙ୍କ ଆଗାମୀ ସିନେମା ବଡେ ମିୟାଁ ଛୋଟେ ମିୟାଁର ମେକଅପ୍ ଆର୍ଟିଷ୍ଟଙ୍କୁ କଲରାପତରିଆ ବାଘର ଆକ୍ରମଣ କରିଥିବା ସୂଚନା । ମୁମ୍ବଇ ଫିଲ୍ମ ସିଟି ମଧ୍ୟରେ ଏହି କଲରାପତରିଆ ବାଘ ତାଙ୍କୁ ଆକ୍ରମଣ କରିଥିବା ସୂଚନା ମିଳିଛି ।
ମେକଅପ୍ ଆର୍ଟିଷ୍ଟ ଶ୍ରବଣ ବିଶ୍ୱକର୍ମା ସୁଟିଂ ସେଟ୍ରୁ ତାଙ୍କର ଜଣେ ବନ୍ଧୁଙ୍କୁ ଛାଡିବା ପାଇଁ ଯାଇଥିବା ବେଳେ ତାଙ୍କୁ କଲରାପତରିଆ ବାଘ ଆକ୍ରମଣ କରିଥିବା ସେ କହିଛନ୍ତି ।
ସୁଟିଂ ସେଟ୍ରୁ ଏକ ବାଇକ୍ରେ ସେ ତାଙ୍କ ସାଙ୍ଗକୁ ଛାଡିବା ପାଇଁ ଯାଉଥିଲେ । ଏହି ସମୟରେ ଗୋଟିଏ ଘୁଷୁରୀ ତାଙ୍କ ଆଗରେ ଦୌଡି ଥିଲା । ଦେଖିବା ବେଳକୁ ଘୁଷୁରୀ ପଛରେ ଗୋଟିଏ କଲରାପତରିଆ ବାଘ ଥିଲା । ଡରରେ ନିୟନ୍ତ୍ରଣ ହରାଇବାରୁ ବାଘ ସହ ତାଙ୍କ ବାଇକ୍ ଘଷି ହୋଇଥିଲା । ଏହାପରେ ସେ ତଳେ ପଡିଯାଇଥିଲେ । ବାଘକୁ ପାଖରେ ଦେଖି ଭୟରେ ଚେତାଶୂନ୍ୟ ହୋଇଯାଇଥିଲେ ।
ସେଠାରେ ଅନ୍ୟଲୋକମାନେ ଯିବା ବେଳେ ତାଙ୍କୁ ରାସ୍ତାରେ ପଡିଥିବା ଦେଖି ଚିକିତ୍ସା ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଇଛନ୍ତି । ଫିଲ୍ମି ସିଟିରେ କଲରପତରିଆ ବାଘ ଆସିବା କିଛଇ ନୂଆ କଥା ନୁହେଁ । ଅନେକ ସମୟରେ ସେଠାରେ ବାଘ ଦେଖାଯାଉଥିବା ସିନେ ଓ୍ୱାର୍କସ୍ ସଂଘ ପକ୍ଷରୁ କୁହାଯାଇଛି ।
Comments are closed.