ମାଲକାନଗିରି : ମାଲକାନଗିରି ଜିଲ୍ଲା ଅନ୍ତର୍ଗତ ସିଆଡିମାଳ ଠାରେ ଥିବା ନବୋଦୟ ବିଦ୍ୟାଳୟରେ ଅଧ୍ୟୟନ କରିଥିବା ପୁର୍ବତନ ଛାତ୍ରଛାତ୍ରୀ ମାନଙ୍କ ଗହଣରେ ଏକ ପାରିବାରିକ ଭେଟଘାଟ ହୋଇଯାଇଛି । ଏହି ପାରିବାରିକ ଆଲୁମିନା ଭେଟଘାଟରେ ମାଲକାନଗିରି ଆଲୁମିନା ସଭାପତି ଭାଗୀରଥି ବେହେରା ସଭାପତିତ୍ବ କରିଥିଲାବେଳେ ଅନ୍ୟ ସମ୍ମାନିତ ଅତିଥି ଭାବେ ମାଲକାନଗିରି ଜିଲ୍ଲାର ଅତିରିକ୍ତ ଜିଲ୍ଲାପାଳ ତ୍ରିନାଥ ମାଝୀ, ସ୍ୱତନ୍ତ୍ର ଆଦିବାସୀ ଉନ୍ନୟନ ବିଭାଗର ଅଧ୍ୟକ୍ଷ ଆଡମା ରାବା, ଅଭିଭାବକ ସତ୍ୟ ରଞ୍ଜନ ବାଲା, ଧନେଶ୍ଵର ଧର, ଭଗବାନ ସାହୁ, ବିଶ୍ୱଜିତ ସରକାର, ମନ୍ଦାକିନୀ ପ୍ରଧାନ ଓ ସସ୍ମିତା ସାହୁ ପ୍ରମୁଖ ଉପସ୍ଥିତ ଥିଲେ।
ନବୋଦୟ ବନ୍ଦନା ଗାନ ସହିତ କାର୍ଯ୍ୟକ୍ରମ ଆରମ୍ଭ କରାଯାଇଥିଲା। ଏହି ପାରିବାରିକ ଭେଟଘାଟରେ ଛୋଟ ପିଲାଙ୍କ ପାଇଁ ବିଭିନ୍ନ ପ୍ରକାରର ମନୋରଞ୍ଜନ ଧର୍ମୀ ଖେଳ ମାନ ଆୟୋଜନ କରାଯାଇଥିଲା, ଯାହାକୁ ସମସ୍ତେ ମନଭରି ଉପଭୋଗ କରିଥିଲେ ଓ ଏହାପରେ ମହିଳା ମାନେ ମ୍ୟୁଜିକ୍ ଚେୟାର ଖେଳର ମଜା ନେଇଥିଲେ। ସମ୍ମାନିତ ଅତିଥି ଶ୍ରୀ ମାଝୀ କହିଛନ୍ତି ଯେ ମାଲକାନଗିରି ନବୋଦୟ ଆଲୁମିନା ତରଫରୁ, ପ୍ରତିବର୍ଷ ଆୟୋଜିତ ହେଉଥିବା ଏପରି ଭେଟଘାଟ, ସମସ୍ତ ପୁର୍ବତନ ଛାତ୍ରଛାତ୍ରୀ ମାନଙ୍କୁ ଗୋଟିଏ ମଞ୍ଚରେ ଏକଜୁଟ କରିବା ସହ ଅତୀତର ସ୍ମୃତି ଚାରଣ ଓ ଭାବର ଆଦାନପ୍ରଦାନର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି। ଏହାପରେ ସମସ୍ତେ ପ୍ରସ୍ତୁତ ହୋଇଥିବା ବିଭିନ୍ନ ସୁସ୍ୱାଦୁ ବ୍ୟଞ୍ଜନର ମଜା ନେଇଥିଲେ। ଏହି ଭେଟଘାଟ କାର୍ଯ୍ୟକ୍ରମକୁ ଆଲୁମିନା ସ°ପାଦକ ସୁଧିର ରଞ୍ଜନ ସିକଦାର ସ°ଚାଳନ କରିଥିଲାବେଳେ ସୁଶୀଲ ବାଲା, ଇନ୍ଦୁ ସରଦାର, ଲକ୍ଷ୍ମୀଧର ମାଝୀ, ନୋନି ଗୋପାଲ, କାର୍ତ୍ତିକ ନାୟକ ଓ ବନ ବିହାରୀ ଖରା ପ୍ରମୁଖ ସହଯୋଗ କରିଥିଲେ।
Comments are closed.