କଟକ ଏସସିବିରେ ଅବ୍ୟବସ୍ଥା; ଟଙ୍କା ନେଇ ରୋଗୀଙ୍କ ନମ୍ବର କରୁଛନ୍ତି ସିକ୍ୟୁରିଟି କର୍ମଚାରୀ !

କଟକ: ଏସସିବି ମେଡିକାଲକୁ ନେଇ ପୁଣି ଅଭିଯୋଗ । ସାମ୍ନାକୁ ଆସୁଛି ଗୋଟିଏ ପରେ ଗୋଟିଏ ଅବ୍ୟବସ୍ଥା । ପୂର୍ବରୁ ଏସସିବି ନାଁରେ ଅନେକ ଅଭିଯୋଗ ଆସିଥିବା ବଳେ ପୁଣି ବର୍ତ୍ତମାନ ଏସସିବିକୁ ନେଇ ସଙ୍ଗୀନ ଅଭିଯୋଗ ଆସିଲାଣି । ଲୋକଙ୍କ ଠାରୁ ଟଙ୍କା ନେଇ ଟିକେଟ୍ ହେଉଥିବା ଅଭିଯୋଗ ହେଉଛି । ଟିକେଟ୍ କରାଇଦେବା ପଛରେ ରହୁଛି ମେଡିକାଲର ସିକ୍ୟୁରିଟି ଗାର୍ଡଙ୍କ ହାତ । ଯାହାଫଳରେ ସାଧାରଣ ଲୋକ ନାହିଁନଥିବା ଅସୁବିଧାର ସମ୍ମୁଖିନ ହେଉଛନ୍ତି ।
ଟିକେଟ କାଉଣ୍ଟରେ ସାଧାରଣ ଲୋକଙ୍କ ଲମ୍ବା ଲାଇନ୍ ଲାଗିଥିବା ବେଳେ ସିକ୍ୟୁରିଟି କର୍ମଚାରୀ ଧାଡ଼ି ଆଭରେ ରହି ଟିକେଟ କରାଉଥିବା ଅଭିଯୋଗ ହେଉଛି । ଜଣେ କି ଦୁଇଜଣ ନୁହେଁ ତିନିତିନି ଜଣ ସିକ୍ୟୁରିଟି କର୍ମଚାରୀ ଧାଡ଼ି ଆଗରେ ରହି ଟିକେଟ୍ କାଉଣ୍ଟର ସାମ୍ନାରେ ଛିଡ଼ା ହୋଇ ଟିକେଟ୍‌ କରୁଥିବା ଦେଖିବାକୁ ମିଳିଛି ।

ତୋବେ କାହିଁକି ଏସସିବିକୁ ନେଇ ବାରମ୍ବାର ଆସୁଛି ଅଭିଯୋଗ ? ଏସବୁ ପ୍ରତି କାହିଁକି ନଜର ଦେଉନାହାନ୍ତି ଏସସିବି କର୍ତ୍ତୃପକ୍ଷ ? ରୋଗୀ ସେବାକୁ ନେଇ ଏ ଅବ୍ୟବସ୍ଥା କାହିଁ କି ? ଡାକ୍ତର ପରାମର୍ଶରେ ରୋଗୀଙ୍କୁ କରାଯାଉଛି କାହିଁକି ଅବହେଳା ?

୫ଟି ଅଧିନରେ ସ୍ବାସ୍ଥ୍ୟ ସେବା ଆସିବା ପରେ ଲୋକମାନେ ଉତ୍ତମ ସେବା ପାଇବେ ବୋଲି ମନେ କରୁଥିଲେ । ଆଉ ସେଥିପାଇଁ ଡାକ୍ତର ଖାନା ହେଉ କି କଟକର ରାସ୍ତାଘାଟ ସମସ୍ତ ଦିଗ ପ୍ରତି ନଜର ରଖିଥିଲେ ସରକାର । ସ୍ବାସ୍ଥ୍ୟ ସେବା ପ୍ରତି ଯେପରି କୌଣସି ଅନୁବିଧା ନହୁ ସେଥି ପ୍ରତି ଧ୍ୟାନ ଦେଇଥିଲେ ୫ଟି ସଚିବ । ଡାକ୍ତରଖାନାକୁ ଯିବା ସହ କଟକର ରାସ୍ତାକୁ ମଧ୍ୟ ସମ୍ପ୍ରସାରଣ କରାଇଥିଲେ । ହେଲେ ବର୍ତ୍ତମାନ କଟକର ସ୍ବାସ୍ଥ୍ୟ ସେବାର ନଗ୍ନ ଚିତ୍ର ଧୀରେ ଧୀରେ ପଦାକୁ ଆସିଲାଣି । କଟକରୁ ଶିବ କୁମାର ସାହୁଙ୍କ ରିପୋର୍ଟ ସମାଜ ଲାଇଭ୍