ହୋଲିରେ ଗାଁର ମହିଳାମାନଙ୍କୁ ଖରାପ ମନ୍ତବ୍ୟ ଦେବା ସହ ଅନ୍ୟ ବ୍ୟକ୍ତିଙ୍କୁ ମରଣାନ୍ତ ଆକ୍ରମଣ ଘଟଣା – ଗିରଫ ହେଲେ ୪ ଅଭିଯୁକ୍ତ

ପାଟଣା – ହୋଲିରେ ପାଟଣା ବ୍ଲକ ଅନ୍ତର୍ଗତ ବାଉଁଶୁଳି ପଞ୍ଚାୟତ ଦାଶରଥିପୁର ଗ୍ରାମର କିଛି ଯୁବକ ନିଶାସକ୍ତ ଅବସ୍ଥାରେ ନେଉଳଯୋଡ଼ି ନାଳ କୂଳରେ ଭୋଜି କରିବା ସହ ସେଠାକୁ ଗାଧୋଇବା ପାଇଁ ଆସିଥିବ ମହିଳା ଏବଂ ଝିଅମାନଙ୍କ ପ୍ରତି ଅଶୀଳ୍ଳ ମନ୍ତବ୍ୟ ଦେଇଥିଲେ । ଏହାର ବିରୋଧ କରିବାରୁ ସେମାନେ ପରଦିନ ତେନ୍ତୁଳିଖୁଣ୍ଟି ଆସି ଅନ୍ୟ କିଛି ବ୍ୟକ୍ତିଙ୍କୁ ମରଣାନ୍ତକ ଆକ୍ରମଣ କରିଥିଲେ । ଏଥିରେ ନରେନ୍ଦ୍ର ମୁଣ୍ଡା ନାମକ ବ୍ୟକ୍ତି ଗୁରୁତର ହୋଇଥିଲେ । ପରେ ଗ୍ରାମବାସୀ ଏକାଠି ହେବାରୁ ଦୁର୍ବୃତ୍ତମାନେ ଛତ୍ରଭଙ୍ଗ ଦେଇଥିଲେ ।

ଘଟଣାସ୍ଥଳରୁ ଗୋଟିଏ ବାଇକ୍‌ ସହ ଟାଙ୍ଗିଆ ଏବଂ ନକଲି ବନ୍ଧୁକ ଜବତ ହୋଇଥିଲା । ଥାନାରେ ମାମଲା ରୁଜୁ ହେବା ପରେ ପୁଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।

ତୁରୁମୁଙ୍ଗା ପୁଲିସ ଦ୍ଵାରା ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ଦାଶରଥି ପୁର ଗ୍ରାମର ଟିକାୟତ ମହାନ୍ତ (୨୫) , ଅଜୟ କୁମାର ମହାନ୍ତ(୨୨) , ବିମ୍ବାଧର ମହାନ୍ତ (୧୯) ଡ, ଉମାକାନ୍ତ ମହାନ୍ତ(୨୦) ।