ବାଙ୍କୀ: ବାଙ୍କୀ ବ୍ଲକ ଅନ୍ତର୍ଗତ ବ୍ରହ୍ମପୁରା ରଘୁନାଥ ଦେବତା ବିଦ୍ୟାପୀଠ ପରିସରରେ ମଙ୍ଗଳବାର ବ୍ରହ୍ମପୁରା ପଞ୍ଚାୟତସ୍ତରୀୟ ମହାସଂଘ ପକ୍ଷରୁ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି। ପଞ୍ଚାୟତ ସ୍ତରର ବହୁ ସ୍ୱୟଂ ସହାୟକ ଗୋଷ୍ଠୀର ସଭାପତି, ସମ୍ପାଦିକା, କୋଷାଧ୍ୟକ୍ଷ ଓ ବରିଷ୍ଠ ସଦସ୍ୟମାନେ ଏହି କାର୍ଯ୍ୟକ୍ରମରେ ଯୋଗଦାନ କରିଥିଲେ। ମହାସଂଘ ସଭାପତି ରାଧାମଣି ଜେନାଙ୍କ ସଭାପତିତ୍ୱରେ ସଞ୍ଚାଳିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସଚ୍ଚଳାଦେବୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସବିତା ମହାନ୍ତି, ସରକାରୀ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ପ୍ରଭାବତୀ ଦେବତା, ଶିକ୍ଷକ ସୋମନାଥ ଖଟୁଆ ଏବଂ ଗ୍ରାମ୍ୟ ବ୍ୟାଙ୍କ ବ୍ରହ୍ମପୁରା ଶାଖାର ପରିଚାଳକ ଜୀବନ ବେହେରା ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇ ଅନ୍ତର୍ଜାତୀୟ ମହିଳା ଦିବସ ସମ୍ପର୍କରେ ଆଲୋଚନା କରିଥିଲେ। ଓଡିଶା ଜିବୀକା ମିଶନ ପରିଚାଳନାରେ ଅନୁଷ୍ଠିତ ଅନ୍ତର୍ଜାତୀୟ ମହିଳା ଦିବସ ପାଳନ ମହିଳାମାନଙ୍କୁ ଅଧିକ ସୁଦୃଢ, ସ୍ୱାବଲମ୍ବୀ ଓ ସୁସ୍ଥ ପରିବାର ଗଠନ ପାଇଁ ଏକ ଆହ୍ୱାନ ହେବ ବୋଲି ଅତିଥିମାନେ ନିଜ ବକ୍ତବ୍ୟରେ ପ୍ରକାଶ କରିଥିଲେ। ସମ୍ପାଦିକା ସତ୍ୟଭାମା ମୁଦୁଲି, ଉପସଭାପତି ସୁନିତା ପଟ୍ଟନାୟକ, କୋଷାଧ୍ୟକ୍ଷ ପ୍ରଭାତୀ ରଣା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ପଞ୍ଚାୟତର ୧୦୨ଟି ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ କାର୍ଯ୍ୟକ୍ରମରେ ସାମିଲ ହୋଇଥିବା ସମ୍ପର୍କରେ ସଭାପତି ପ୍ରକାଶ କରିଛନ୍ତି।
Popular Categories
Previous article
Next article