କରାଚି : ପାକିସ୍ତାନ କ୍ରିକେଟ ଦଳର ଅଧିନାୟକ ସରଫରାଜ କହିଛନ୍ତି ଏସିଆ କପରେ ଭାରତକୁ ହରାଇବା ଆମର ଲକ୍ଷ୍ୟ। ଏସିଆ କପରେ ଭାରତଠାରୁ ଜିତି ଆମ ଦଳ ନିଜକୁ ମଜଭୁତ ମନେକରିବ। ପାକିସ୍ତାନ ଏସିଆ କପରେ ନିଜର ପ୍ରଥମ ମ୍ୟାଚ ସେପ୍ଟେମ୍ବର ୧୩ ତାରିଖରେ ହଙ୍ଗକଙ୍ଗ ବିପକ୍ଷରେ ଖେଳିବ। ଏହି ମ୍ୟାଚ ଦୁବାଇରେ ଖେଳାଯିବ। ପରେ ଦ୍ୱିତୀୟ ମ୍ୟାଚରେ ଦଳ ୧୯ ତାରିଖରେ ଭାରତକୁ ଭେଟିବ। ଏହାକୁ ନେଇ ସରଫରାଜ କହିଛନ୍ତି – ଆମ ଦଳ ମ୍ୟାଚ ପାଇ ଭଲ ଭାବେ ନିଜକୁ ପ୍ରସ୍ତୁତ କରୁଛି। ଭାରତ ବିପକ୍ଷ ମ୍ୟାଚ ଆମ ପାଇଁ ଟୁର୍ଣ୍ଣାମେଣ୍ଟର ପ୍ରଥମ ବଡ ମ୍ୟାଚ ହେବ। ଆମ ଦଳ ବିଜୟ ପାଇଁ ପ୍ରୟାସ କରିବ। କେବଳ ପ୍ରଥମ ମ୍ୟାଚ ନୁହେଁ ଭାରତ ବିପକ୍ଷ ପ୍ରତ୍ୟେକ ମ୍ୟାଚ ଆମ ପାଇଁ ମହତ୍ୱପୂର୍ଣ୍ଣ ରହିବ। ୟୁଏଇର ପିଚ୍ ସ୍ପିନରମାନଙ୍କ ପାଇଁ ସହାୟକ ହେବ। ତେଣୁ ମୁଁ ଭାବୁଛି ଆମ ସ୍ପିନର ସେଥିରେ ଭଲ ପ୍ରଦର୍ଶନ କରିବେ।
