ହାଇଦ୍ରାବାଦ: କରୋନା ନିମନ୍ତେ ଆସନ୍ତା ୧୪ ଏପ୍ରିଲ ନିମନ୍ତେ ସରକାର ଦେଶବ୍ୟାପୀ ଲକଡ଼ାଉନ୍ ଘୋଷଣା କରିଛନ୍ତି । ଏହା ସତ୍ତ୍ବେ ପ୍ରତିଦିନ ଦେଶରେ ନୂଆ ରୋଗୀ ସଂଖ୍ୟା ବଢ଼ୁଛନ୍ତି ଓ ମୃତ୍ୟୁ ସଂଖ୍ୟା ମଧ୍ୟ ବଢ଼ୁଛି । ଏହାକୁ ନେଇ ଚିନ୍ତାବ୍ୟକ୍ତ କରିଛନ୍ତି ତେଲେଙ୍ଗାନା ରାଷ୍ଟ୍ର ସମିତି ଅଧ୍ୟକ୍ଷ ତଥା ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ । ଆଉ ଅନ୍ୟୂନ ଦୁଇ ସପ୍ତାହ ପାଇଁ ଲକ୍ଡ଼ାଉନ ବୃଦ୍ଧି କରାଯିବାକୁ ପ୍ରସ୍ତାବ ଦେଇଛନ୍ତି । ଏଥିନେଇ ସେ କେନ୍ଦ୍ର ସରକାରଙ୍କୁ ମଧ୍ୟ ଚିଠି ଲେଖିଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଏ ସମ୍ପର୍କରେ ଚର୍ଚ୍ଚାକୁ ସ୍ବୀକାର କରିଛି । ତେବେ ତେଲେଙ୍ଗାନା ସରକାର ଜୁନ୍ ୩ ତାରିଖ ପର୍ଯ୍ୟନ୍ତ ଲକ୍ଡ଼ାଉନକୁ ଚଳାଇ ପାରନ୍ତି ବୋଲି ହେଉଥିବା ଚର୍ଚ୍ଚାକୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଖଣ୍ଡନ କରିଛି । ଏପରି କୌଣସି ପ୍ରସ୍ତାବ ନାହିଁ ବୋଲି ତାଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ।
Popular Categories
Previous article
Next article