ଆବଶ୍ୟକ ସାମଗ୍ରୀ
ସିଝା ଆଳୁ – ଆବଶ୍ୟକ ପରିମାଣରେ
କଟା ପିଆଜ – ୧ଟି
କଟା କଞ୍ଚାଲଙ୍କା – ୨ ଚାମଚ
ସିମଲା ଲଙ୍କା – ୧ଟି
ମଇଦା – ୧କପ
ତେଲ – ଆବଶ୍ୟକ ପରିମାଣରେ
ବଟର – ଅଳ୍ପ
ଟମାଟୋ ସସ – ୧ ଚାମଚ
ଲଙ୍କା ଗୁଣ୍ଡ – ଅଳ୍ପ
ଧନିଆ ଗୁଣ୍ଡ – ଅଳ୍ପ
ଗରମ ମସଲା – ଅଳ୍ପ
ଆମଚୁର ଗୁଣ୍ଡ – ଅଳ୍ପ
ସିଝା ମକା – ଅଳ୍ପ
ଅଦା ରସୁଣ ବଟା – ଅଳ୍ପ
ଫ୍ରାଙ୍କି ମସଲା – ଅଳ୍ପ
ଲୁଣ – ଆବଶ୍ୟକ ପରିମାଣରେ
ଚିଜ – ଅଳ୍ପ
ପ୍ରସ୍ତୁତି ପ୍ରଣାଳୀ – ପ୍ରଥମେ ମଇଦାରେ ଅଳ୍ପ ଲୁଣ , ପାଣି ପକାଇ ଭଲ ଭାବେ ଚକଟି ଦିଅନ୍ତୁ। ଏହି ଚକଟା ଉପରେ ସାମାନ୍ୟ ତେଲ ଲଗାଇ ଏହାକୁ ଘୋଡ଼ାଇ ୩୦ ମିନିଟ ରଖିଦିଅନ୍ତୁ। ଏବେ ଏହି ଚକଟାରୁ ରୁଟି ଆକୃତିର ବେଲି ଦିଅନ୍ତୁ। ଏବେ ଗ୍ୟାସ ଲଗାଇ ତାୱା ଗରମ କରନ୍ତୁ। ଗରମ ହେବା ପରେ ବେଲି ଥିବା ରୁଟିକୁ ଅଳ୍ପ ସେକି ଦିଅନ୍ତୁ। ଏବେ ଗ୍ୟାସରେ ଆଉ ଏକ କଡ଼େଇ ବସାଇ ତେଲ ଗରମ କରନ୍ତୁ। ତେଲ ଗରମ ହେବା ପରେ ଏଥିରେ ପିଆଜ, ସିମଲା ଲଙ୍କା, ଅଦା ରସୁଣ ବଟା, କଞ୍ଚା ଲଙ୍କା, ଲୁଣକୁ ପକାଇ ଭଲ ଭାବେ କଷନ୍ତୁ। କଷିବା ପରେ ଏଥିରେ ସସ, ଲଙ୍କା ଗୁଣ୍ଡ, ଧନିଆ ଗୁଣ୍ଡ, ଗରମ ମସଲା, ଅଳ୍ପ ଲୁଣ, ଆମଚୁର ଗୁଣ୍ଡ , ସିଝା ଆଳୁ, ସିଝା ମକା ପକାଇ ପୁଣି କଷନ୍ତୁ। କଷିବା ପରେ ପ୍ରସ୍ତୁତ ହୋଇଥିବା ରୁଟି ଉପରେ ଏହି ମିଶ୍ରଣ ପକାଇ ବଟର ଲଗାଇ ୨ ମିନିଟ ତାୱାରେ ପ୍ରସ୍ତୁତ କରନ୍ତୁ। ଏବେ ଏହାକୁ ଏକ ପାତ୍ରକୁ କାଢି କଟା ପିଆଜ, ଫ୍ରାଙ୍କି ମସଲା, କଟା ଧନିଆ ପତ୍ର, ଚିଜ ପକାଇ ଖାଆନ୍ତୁ ଓ ମଜା ନିଅନ୍ତୁ। ପ୍ରସ୍ତୁତ ହୋଇଗଲା ରୁଟ ମକା ଫ୍ରାଙ୍କି ।
Comments are closed.