ନୂଆଦିଲ୍ଲୀ : ଦୁଇଚକିଆ ନିର୍ମାତା କମ୍ପାନୀ ହୋଣ୍ଡା ମୋଟରସାଇକେଲ ଏବଂ ସ୍କୁଟର ଇଣ୍ଡିଆ ଇଲେକ୍ଟ୍ରିକ୍ ଗାଡି ବଜାରରେ ପାଦ ଥାପିଛି । କମ୍ପାନୀ ନିଜ ନୂଆ ଇ-ସ୍କୁଟର ଆକ୍ଟିଭା-ଇ ଓ କ୍ୟୁସି୧ର ବଜାର ପ୍ରବେଶ କରାଇଛି । କମ୍ପାନୀ କହିଛି କି ୨୦୨୫ ଜାନୁୟାରୀ ମାସରେ ଏହି ଗାଡିଗୁଡିକର ଦାମ୍ ଘୋଷଣା କରାଯିବ ।
ଉଭୟ ମଡେଲର ବୁକିଂ ୧ ଜାନୁୟାରୀ ୨୦୨୫ରୁ ଆରମ୍ଭ ହେବ । ଫେବୃୟାରୀରୁ ଏହାର ଡେଲିଭରୀ ହେବା ଅନୁମାନ କରାଯାଉଛି । ହୋଣ୍ଡାର କର୍ଣ୍ଣାଟକ ଓ ବେଙ୍ଗାଲୁରୁ ସ୍ଥିତ ନାର୍ସାପୁରା କାରଖାନାରେ ଏହାକୁ ନିର୍ମାଣ କରାଯିବ । ଏହା ସର୍ବପ୍ରଥମେ ଦିଲ୍ଲୀ, ମୁମ୍ବାଇ ଓ ବେଙ୍ଗାଲୁରୁରେ ଉପଲବ୍ଧ ହେବ ।
ଉଭୟ ଗାଡିରେ କାଢି ଅଲଗା ହୋଇପାରୁଥିବା ବ୍ୟାଟେରୀ ମିଳିବ । ଥରେ ଚାର୍ଜ କଲେ ଏହା ୧୦୨ କିଲୋମିଟର ଯାତ୍ରା କରିପାରିବ । ଫୁଲ୍ ଚାର୍ଜ ହେବା ପାଇଁ ଏହାକୁ ସାଢେ ୬ ଘଣ୍ଟା ସମୟ ଲାଗିବ । କୁହାଯାଉଛି କି ଉଭୟ ମଡେଲରେ ୩ ବର୍ଷ ବା ୫୦ ହଜାର କିଲୋମିଟରର ଓ୍ବାରେଣ୍ଟି ମିଳିବ । ପ୍ରଥମ ବର୍ଷରେ ୩ ଫ୍ରି ସର୍ଭିସ୍ ମଧ୍ୟ ପ୍ରଦାନ କରିବ କମ୍ପାନୀ ।
