ଡବଲିନ୍ : ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଚେନ୍ନଇ ସୁପରକିଙ୍ଗସ୍ ତୃତୀୟ ଥର ଆଇପିଏଲ ଚମ୍ପିଆନ୍ ହୋଇଛି। ସଫଳ ନେତୃତ୍ୱ ଏବଂ ଶାନ୍ତ ସ୍ୱଭାବକୁ ନେଇ କ୍ରିକେଟ୍ ଜଗତରେ ସେ ବେଶ୍ ଜଣାଶୁଣା। ଏପରିକି ତାଙ୍କୁ ‘କ୍ୟାପଟେନ୍ କୁଲ’ ଆଖ୍ୟା ବି ମିଳିଛି। ଜୁନ୍ ୨୭ ଏବଂ ୨୯ରେ ଭାରତ ଓ ଆୟାର୍ଲାଣ୍ଡ ମଧ୍ୟରେ ଟି-୨୦ ଶୃଙ୍ଖଳା ହେବାକୁ ଯାଉଛି। ତାରକା ବ୍ୟାଟ୍ସମ୍ୟାନ ବିରାଟ କୋହଲିଙ୍କ ନେତୃତ୍ୱରେ ଧୋନି ଏହି ଶୃଙ୍ଖଳା ଖେଳିବେ। ଆୟାର୍ଲାଣ୍ଡରେ ଅନ୍ୟ ଖେଳାଳିଙ୍କ ଅପେକ୍ଷା ଧୋନି ବେଶ୍ ଲୋକପ୍ରିୟ ଅଛନ୍ତି। ଧୋନିଙ୍କୁ ନେଇ ଆୟାର୍ଲାଣ୍ଡ କ୍ରିକେଟ ଦଳ ବେଶ ଉତ୍ସାହିତ ଅଛି। ଏପରିକି ଆୟାର୍ଲାଣ୍ଡ କ୍ରିକେଟ୍ ଧୋନିଙ୍କ ନାମରେ ମ୍ୟାଚ୍ ଟିକେଟ୍ ବିକ୍ରି କରୁଛି। କ୍ରିକେଟ ପ୍ରେମୀଙ୍କୁ ପ୍ରଲୋଭିତ କରିବା ପାଇଁ ଆୟାର୍ଲାଣ୍ଡ କ୍ରିକେଟ୍ ମହେନ୍ଦ୍ର ସିଂ ଧୋନିଙ୍କ ଫଟୋକୁ ନିଜ ଅଫିସିଆଲ ଟ୍ୱିଟର ଆକାଉଣ୍ଟରେ ଟ୍ୱିଟ୍ କରିଛି। ଜୁନ୍ ୨୭ରେ ମାଲାହାଇଡ୍ କ୍ରିକେଟ୍ ଟି-୨୦ ମ୍ୟାଚରେ ଧୋନିଙ୍କୁ ଦେଖନ୍ତୁ।
