ବ୍ୟାଙ୍କ ମିଶ୍ରଣକୁ ୪ କର୍ମଚାରୀ ସଂଘର ବିରୋଧ, ୨୬ରୁ ୨ ଦିନିଆ ଧର୍ମଘଟ

ନୂଆଦିଲ୍ଲୀ: ବ୍ୟାଙ୍କଗୁଡ଼ିକର ମିଶ୍ରଣକୁ ୪ଟି କର୍ମଚାରୀ ସଂଗଠନ କଡ଼ା ବିରୋଧ କରିଛନ୍ତି। ଏହାର ପ୍ରତିବାଦରେ ସଂଗଠନ ପକ୍ଷରୁ ଦେଶବ୍ୟାପୀ ୨ ଦିନିଆ ଧର୍ମଘଟ ଡାକରା ଦିଆଯାଇଛି। ଆସନ୍ତା ୨୬ ଏବଂ ୨୭ ତାରିଖରେ ଧର୍ମଘଟରେ ସାମିଲ ହେବାକୁ ବ୍ୟାଙ୍କ କର୍ମଚାରୀମାନଙ୍କୁ ସଂଗଠନ ପକ୍ଷରୁ ଆହ୍ବାନ କରାଯାଇଛି। ଫଳରେ ମାସ ଶେଷକୁ ୪ ଦିନ ଲଗାତାର ବନ୍ଦ ରହିବ। ୨୬ ଏବଂ ୨୭ ତାରିଖ ଯଥାକ୍ରମେ ଗୁରୁବାର ଓ ଶୁକ୍ରବାର ପଡୁଥିବାବେଳେ ଏହା ପରଦିନ ମାସ ଶେଷ ଶନିବାର ଓ ରବିବାର ରହିଛି। ଏହି ୪ଦିନ ବ୍ୟାଙ୍କ ବନ୍ଦ ରହିବ। ଏହା ପରେ ନଭେମ୍ବର ୨ୟ ସପ୍ତାହରୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ଧର୍ମଘଟ କରାଯିବ ବୋଲି ସଂଗଠନଗୁଡ଼ିକ ଚେତାବନୀ ଦେଇଛନ୍ତି। ସୂଚନାଯୋଗ୍ୟ, ବ୍ୟାଙ୍କିଙ୍ଗ ସେକ୍ଟରକୁ ଅଧିକ ମଜଭୁତ କରିବା ଲାଗି କିଛି ଦିନ ତଳେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୧୦ଟି ବ୍ୟାଙ୍କକୁ ମିଶାଇ ୪ଟି ବ୍ୟାଙ୍କ କରାଯିବା ନେଇ ଘୋଷଣା କରିଥିଲେ।