ଗୁଡ଼ଗାଓଁ : ହରିୟାଣାର ଗୁଡ଼ଗାଓଁ ନିକଟ ଉଲାୱାସ୍ଠାରେ ଏକ ନିର୍ମାଣାଧୀନ କୋଠା ଭୁଶୁଡ଼ି ୬ଜଣଙ୍କ ମୃତ୍ୟୁ ଘଟିଛି। ଗୁରୁବାର କୋଠାର ଚତୁର୍ଥ ମହଲା ଲାନ୍ଟର୍ଣ୍ଣ ଢ଼ଳେଇ ପଡ଼ୁଥିବା ସମୟରେ ଅପରାହ୍ଣ ପ୍ରାୟ ୫ଟା ସମୟରେ ଦୁର୍ଘଟଣା ଘଟିଥିଲା। କଂକ୍ରିଟ ଓ ଲୁହାଛଡ଼ ଭର୍ତ୍ତି ଧ୍ବଂସାବଶେଷ ତଳେ ଆଉ କିଛି ଶ୍ରମିକ ଚାପି ହୋଇ ରହିଥିବା ଆଶଙ୍କା କରାଯାଉଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି; ତେବେ ଜଣଙ୍କ ସନ୍ଧାନ ମିଳୁ ନ ଥିବା ପୁଲିସ କହିଛି। ଏନ୍ଡିଆରଏଫ୍ ଓ ଅଗ୍ନିଶମ ବିଭାଗ ଏଥିରେ ସାମିଲ ଅଛନ୍ତି। ପୁଲିସ ସମ୍ପୃକ୍ତ କୋଠାର ମାଲିକଙ୍କୁ ଖୋଜୁଛି।
