ଗୁରୁଡିଝାଟିଆ : ଆଠଗଡ ବ୍ଲକ ଶିକ୍ଷାଧିକାରୀଙ୍କ ପରିସରଭୁକ୍ତ ଗୁରୁଡିଝାଟିଆ ଅଞ୍ଚଳର ୪ଟି ଉଚ୍ଚ ପ୍ରାଥମିକ ବିଦ୍ୟାଳୟକୁ ଉନ୍ନୀତ କରାଯାଇ ଉଚ୍ଚ ବିଦ୍ୟାଳୟରେ ପରିଣତ କରିବା ନିମନ୍ତେ ବ୍ଲକ ଶିକ୍ଷାଧିକାରୀ ଚିଠି ଲେଖିଛନ୍ତି । କୁଷ୍ପଙ୍ଗି ପଞ୍ଚାୟତର ପଇଲାବର ଉଚ୍ଚ ପ୍ରାଥମିକ ବିଦ୍ୟାଳୟ, ଭୋଗରା ପଞ୍ଚାୟତର ଭୋଗରା ଉଚ୍ଚ ପ୍ରାଥମିକ ବିଦ୍ୟାଳୟ, ଅନନ୍ତପୁର ପଞ୍ଚାୟତର ବ୍ରହ୍ମପୁର ଉଚ୍ଚ ପ୍ରାଥମିକ ବିଦ୍ୟାଳୟ ଓ ରାଧାକୃଷ୍ଣପୁର ପଞ୍ଚାୟତର ମୁଶୁଳିଆ ଉଚ୍ଚ ପ୍ରାଥମିକ ବିଦ୍ୟାଳୟକୁ ଉନ୍ନୀତ କରାଯାଇ ଉଚ୍ଚ ବିଦ୍ୟାଳୟରେ ପରିଣତ କରିବା ପାଇଁ ପ୍ରସ୍ତାବ ଯାଇଛି । ଏହି ପଞ୍ଚାୟତ ସମୂହରେ ଉଚ୍ଚ ବିଦ୍ୟାଳୟ ନାହିଁ । ମୁଶୁଳିଆ, ଭୋଗରା ଓ ପଇଲାବର ଉଚ୍ଚ ପ୍ରାଥମିକ ବିଦ୍ୟାଳୟର ବିଦ୍ୟାର୍ଥୀମାନେ ଉଚ୍ଚ ବିଦ୍ୟାଳୟରେ ଅଧ୍ୟୟନ ପାଇଁ ଦୂରଦୂରାନ୍ତ ସ୍ଥାନକୁ ଯାଉଥିଲେ। ଯାହାକି ଅତ୍ୟନ୍ତ କଷ୍ଟକର ଥିଲା । ଏହି ସବୁ ବିଦ୍ୟାଳୟରେ ୭ମ ଶ୍ରେଣୀ ପର୍ଯ୍ୟନ୍ତ ବିଦ୍ୟାର୍ଥୀମାନେ ଅଧ୍ୟୟନ କରୁଥିବାରୁ ଏହାକୁ ଉନ୍ନୀତ କରାଯାଇ ଉଚ୍ଚ ବିଦ୍ୟାଳୟରେ ପରିଣତ କରାଗଲେ ବିଦ୍ୟାର୍ଥୀମାନେ ବେଶ ଉପକୃତ ହେବେ।
Comments are closed.