ଜାମ୍ମୁ : ଜାମ୍ମୁ-କାଶ୍ମୀର ବଡଗାଓଁ ଜିଲାର ଜିନପଞ୍ଚଲ ଅଞ୍ଚଳରେ ସୋମବାର ସୁରକ୍ଷାକର୍ମୀଙ୍କ ସହିତ ଗୁଳିବିନିମୟରେ ଦୁଇଜଣ ଆତଙ୍କବାଦୀ ପ୍ରାଣ ହରାଇଛନ୍ତି। ଗୁଳିବିନିମୟରେ ଆତଙ୍କବାଦୀଙ୍କ ମୃତ୍ୟୁ ହେବା ପରେ ସ୍ଥାନୀୟ ବାସିନ୍ଦାମାନେ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିଥିଲେ। ଫଳରେ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା। ରିପୋର୍ଟ ଅନୁଯାୟୀ ଆତଙ୍କବାଦୀଙ୍କ ନିହତ ଖବର ପ୍ରସାରିତ ହେବାମାତ୍ରେ ଚାଦୋରା ଓ ଚାରି ସରିଫ ଅଞ୍ଚଳର ଶହ ଶହ ଯୁବକ ସରକାରୀ ବିରୋଧୀ ସ୍ଲୋଗାନ ଦେବା ସହ ସୁରକ୍ଷାକର୍ମୀଙ୍କ ଉପରକୁ ପଥର ଫିଙ୍ଗିଥିଲେ। ଜବାବରେ ସୁରକ୍ଷାକର୍ମୀମାନେ ଯୁବକଙ୍କ ଉପରେ ଲାଠିମାଡ କରିଥିଲେ।
