ନୂଆଦିଲ୍ଲୀ : ଆସାମ ବିଶ୍ୱବିଦ୍ୟାଳୟ ପରିସରରୁ ଗତ ସପ୍ତାହରେ ଧରାପଡିଛି ଏକ ବିଶାଳକାୟ ଅଜଗର । ଏହାର ପ୍ରାୟ ୧୦୦ କିଲୋଗ୍ରାମ ଓଜନ ଓ ୧୭ ଫୁଟ୍ ଲମ୍ବ । ଏହି ବିଶାଳକାୟ ଅଜଗର ବରାକ ଘାଟିର ଜନବସତି ଅଞ୍ଚଳରେ ଏପର୍ଯ୍ୟନ୍ତ ମିଳିଥିବା ଅନ୍ୟ ସରୀସୃପ ତୁଳନାରେ ସବୁଠାରୁ ବଡ ବୋଲି କୁହାଯାଇଛି । ମିଳିଥିବା ସୂଚନାନୁଯାୟୀ, ଏହି ବିଶାଳକାୟ ଅଜଗର ସାପକୁ ପ୍ରଥମେ ଆସାମ ବିଶ୍ୱବିଦ୍ୟାଳୟର ପରିସରରେ ଛାତ୍ରୀ ନିବାସ ୧ ନମ୍ବରରେ ଦେଖାଯାଇଥିଲା । ଏହା ଜଣାପଡିବା ପରେ ହଇଚଇ ସହ ଭୟର ବାତାବରଣ ସୃଷ୍ଟି ହୋଇଥିଲା । ସାପକୁ ଦେଖିବା ପାଇଁ ଅନେକ ଲୋକେ ମଧ୍ୟ ଏକାଠି ହୋଇଥିଲେ ।
🎥 Watch | 17-Feet-Long Python, Weighing Nearly 100 Kg, Found In Assam
🖇️ https://t.co/qughNnslQz pic.twitter.com/UJ5abAr3gr
— NDTV (@ndtv) December 23, 2024
ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ଦେଖିପାରିବେ ଛାତ୍ର ଓ ବନ୍ୟଜୀବ ଅଧିକାରୀ ଅଜଗରକୁ ଧରିବା ପାଇଁ ପ୍ରୟାସ ଆରମ୍ଭ କରିଥିଲେ । ସାପକୁ ଜଙ୍ଗଲରେ ସୁରକ୍ଷିତ ଛାଡିବା ପାଇଁ ୧୦ ଜଣ ଲୋକେ ମିଶିଥିଲେ । କାରଣ ଏହା ଖୁବ୍ ଓଜନିଆ ହୋଇଥିଲା ।
ରିପୋର୍ଟରୁ ଜଣାପଡିଛି ଯେ, ଅଜଗର ଏକ ବଡ ଛେଳିକୁ ଗିଳିଦେବା ପରେ ଜଙ୍ଗଲ ଆଡକୁ ଯାଉଥିଲା । ସାପକୁ ଦେଖି ଛାତ୍ରମାନେ ସାହସର ସହ କାବୁ କରିବା ସହ ବନ୍ୟଜନ୍ତୁ ଅଧିକାରୀଙ୍କୁ ଖବର ଦେଇଥିଲେ । ଏହାପରେ ସାପକୁ ଜଙ୍ଗଲରେ ଛଡା ଯାଇଥିଲା ।
୨୦୨୪ରେ ବି ଲୋକଙ୍କ ପ୍ରଥମ ପସନ୍ଦ ବିରିୟାନୀ ; ଜାଣନ୍ତୁ ଏକ ମିନିଟ୍କୁ ହୋଇଛି କେତେ ଅର୍ଡର..
ବାସ୍ତୁ.. ତକିଆ ତଳେ ରଖି ଦିଅନ୍ତୁ ; ଚୁଟ୍କିରେ ଦୂର ହେବ ଧନ ଅଭାବ, ରାହୁ-କେତୁଙ୍କ କୁପ୍ରଭାବ, ବଢିବ ଧନ..
ଦେଖନ୍ତୁ ଭିଡିଓ; ଅଲ୍ଲୁ ଅର୍ଜୁନ ପୁଲିସ ଷ୍ଟେସନରେ ହାଜର ପୂର୍ବରୁ କଲେ ଏମିତି..
