ଭୁବନେଶ୍ୱର : ଜାଡରେ ଥରୁଛି ସାରା ଓଡିଶା । ରାଜ୍ୟର ଅଧିକାଂଶ ସ୍ଥାନରେ ରାତି ତାପମାତ୍ରାରେ ହ୍ରାସ ପାଇବା ସହ ଖସୁଛି ପାରଦ । ଗୁରୁବାର ଭଳି ଶୁକ୍ରବାର ମଧ୍ୟ ରାଉରକେଲା ସବୁଠାରୁ ଥଣ୍ଡା ସହର ଭାବେ ରେକର୍ଡ କରାଯାଇଛି । ୭.୨ ଡିଗ୍ରୀ ତାପମାତ୍ରା ସହ ରାଉରକେଲା ସବୁଠାରୁ ଥଣ୍ଡା ସହର । ଝାରସୁଗୁଡା ୭.୮, କେନ୍ଦୁଝର ୧୦.୬, ଚାନ୍ଦବାଲି ୧୩.୫, ବାଲେଶ୍ୱର, ସମ୍ବଲପୁର ଓ ହୀରାକୁଦ ୧୨ ଡିଗ୍ରୀ ଲେଖାଏଁ ତାପମାତ୍ରା ରେକର୍ଡ କରାଯାଇଛି । ସେହିପରି ଭୁବନେଶ୍ୱର ୧୪, ପୁରୀ ୧୬.୪, ପାରାଦୀପ ୧୪.୭, ଗୋପାଳପୁର ୧୫.୮ ରହିଛି ।
ଉତ୍ତର-ଉତ୍ତର ପୂର୍ବ ଦିଗରୁ ରାଜ୍ୟକୁ ବାୟୁ ପ୍ରବାହ ଯୋଗୁ ବଢିଛି ଶୀତ । ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ମିଳିଥିବା ସୂଚନାନୁଯାୟୀ, ଆସନ୍ତା ୪-୫ ଦିନ ଯାଏଁ ରାଜ୍ୟରେ ପାଗ ଶୁଖିଲା ରହିବ । ଏହାସହ ଆହୁରି ଶୀତର ପ୍ରକୋପ ବଢିବାର ମଧ୍ୟ ସମ୍ଭାବନା ରହିଛି। ଶନିବାର ଭୋରରୁ ଖୋର୍ଦ୍ଧା, କେନ୍ଦୁଝର, ନୟାଗଡ, ଗଞ୍ଜାମ, ଗଜପତି, ମୟୁରଭଞ୍ଜ, ଯାଜପୁର ଜିଲାରେ ମଧ୍ୟମ ଧରଣର କୁହୁଡି ସମ୍ଭାବନା ରହିଛି।
୪ ଜାନୁଆରୀରେ ବୁଧ ଚଳନ; ଏହି ୫ ରାଶି ହେବେ ମାଲାମାଲ୍, ମିଳିବ ହଠାତ୍ ଧନ, ଖୋଲିବ ବନ୍ଦ ଭାଗ୍ୟର ତାଲା..
ଜାଣନ୍ତୁ କାହିଁକି ହୁଏ ବିବାହରେ ବିଳମ୍ବ, କେଉଁ ବୟସରେ ହେବ ଆପଣଙ୍କ ବିବାହ..
