ଗୋପାଳପୁର : ଗୋପାଳପୁର ବେଳାଭୂମିରେ ପୁଣିଥରେ ୪ଟି ମଲା କଇଁଛ ପଡ଼ିଥିବା ଦେଖିବାକୁ ମିଳିଛି । ଉକ୍ତ ମୃତ କଇଁଛ ଗୁଡ଼ିକୁ ଗତକାଲି ସନ୍ଧ୍ୟାରେ ବନ ବିଭାଗ ପକ୍ଷରୁ ବେଳାଭୂମି ର କିଛି ଦୂରରେ ଗାତ କରି ପୋତି ଦିଆଯାଇଛି। ସୂଚନା ଅନୁସାରେ ଗତ କିଛିଦିନ ହେଲା ଗୋପାଳପୁର ବେଳାଭୂମିରେ ଗୋଟିଏ, ଦୁଇଟି ମଲା କଇଁଛ ମରି ପଡ଼ିଥିବା ନଜରକୁ ଆସୁଥିବାବେଳେ ଗତକାଲି ବେଳାଭୂମିରେ ଏକାଥରକେ ୪ଟି ମୃତ କଇଁଛ ପଡ଼ିଥିବା ଦେଖିବାକୁ ମିଳିଛି । ସମୁଦ୍ର ମଧ୍ୟକୁ ସ୍ଥାନୀୟ ମତ୍ସ୍ୟଜୀବୀ ସମେତ ବାହାର ଅଞ୍ଚଳ ଓ ପଡ଼ୋଶୀ ଆନ୍ଧ୍ରର ଅନେକ ଟ୍ରଲର ସମୁଦ୍ରର ନିଷିଦ୍ଧ ଅଞ୍ଚଳରେ ମାଛଧରା ଜାରି ରଖିଛନ୍ତି। ଏହା ସହ କେତେକ ମତ୍ସ୍ୟଜୀବୀ ନିଷେଧ କରାଯାଇଥିବା ରିଙ୍ଗ ଜାଲ ମଧ୍ୟ ବ୍ୟବହାର କରୁଛନ୍ତି। ଫଳରେ କଇଁଛ ଙ୍କ ଜୀବନ ପ୍ରତି ବିପଦ ଘନେଇଥିବା ଦେଖିବାକୁ ମିଳିଛି। ଏଣୁ କଇଁଛଙ୍କ ସୁରକ୍ଷା ନିମନ୍ତେ ବନବିଭାଗ ପକ୍ଷରୁ ପର୍ଯ୍ୟାପ୍ତ ବ୍ୟବସ୍ଥା କରିବାକୁ ସାଧାରଣରେ ମତ ପ୍ରକାଶ ପାଇଛି।
Comments are closed.