ଲାଞ୍ଜିଗଡ଼: ଲାଞ୍ଜିଗଡ ଥାନା ପକ୍ଷରୁ ଲାଞ୍ଜିଗଡ ଅଂଚଳର ବିଭିନ୍ନ ଛକଠାରେ ସଡ଼କ ଦୁର୍ଘଟଣାଜନିତ ଶୂନ୍ୟ ମୃତ୍ୟୁ ସପ୍ତାହ ପାଳନ କରାଯାଇଛି । ଦିନକୁ ଦିନ ସଡ଼କ ଦୁର୍ଘଟଣା ବଢ଼ିବାରେ ଲାଗିଛି ଏବଂ ରାଜ୍ୟର ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇଛି। ତେଣୁ ଏହି ମୃତ୍ୟୁ ହାରକୁ କମାଇବା ପାଇଁ ସରକାର ଏପ୍ରିଲ ୧ ତାରିଖରୁ ୭ ତାରିଖ ପର୍ଯ୍ୟନ୍ତ ସମଗ୍ର ରାଜ୍ୟରେ ସଡ଼କ ଦୁର୍ଘଟଣାଜନିତ ଶୂନ୍ୟ ମୃତ୍ୟୁ ସପ୍ତାହ ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି। ଏହି ପରିପ୍ରେକ୍ଷୀରେ ବୁଧବାର ଲାଞ୍ଜିଗଡ ଥାନା ଅଧିକାରୀ ଉତ୍ତମ କୁମାର ସାହୁଙ୍କ ନେତୃତ୍ୱରେ ଇନସ୍ପେକ୍ଟର ଭବାନୀ ଶଙ୍କର ବାଦୀ, ଏଏସଆଇ ବିଳାସିନୀ ଭୋଇ, ଏଏସଆଇ ମଓଝି ଗମାଙ୍ଗ, ଏଏସଆଇ ସୋମେଶ୍ୱର ବାଗ, କନଷ୍ଟେବଳ ଏବଂ ସିଆରପିଏଫ ଷ୍ଟାଫମାନେ ବିଭିନ୍ନ ଛକମାନଙ୍କରେ ଉପସ୍ଥିତ ରହି ଅମାନିଆ ବାଇକ ଚାଳକଙ୍କୁ ହେଲମେଟ, ଡିଏଲ ଓ ଟ୍ରକ ଚାଳକମାନଙ୍କୁ, ଆରସିବୁକ, ବିନା ସିଟବେଲଟ, ୧୮ ବର୍ଷରୁ କମ୍ ବୟସ୍କ ଯୁବକ ଯୁବତୀମାନଙ୍କୁ ଯାଞ୍ଚ କରିଛନ୍ତି। ଏଥି ସହିତ ନିୟମ ଖିଲାପକାରୀଙ୍କର ଚାଲାଣ କାଟିବା ଓ ସଚେତନତା ବାର୍ତ୍ତା ପତ୍ର ପ୍ରଦାନ କରିଥିଲେ। ୧ ତାରିଖରୁ ୪ ତାରିଖ ପର୍ଯ୍ୟନ୍ତ ଚାରି ଦିନରେ ୧୮୫ ଜଣଙ୍କଠାରୁ ୧ ଲକ୍ଷ ୮୦ ହଜାର ୫୦୦ ଟଙ୍କା ଜୋରିମାନା ଆଦାୟ କରାଯାଇଥିବା ଥାନା ଅଧିକାରୀ ସାହୁଙ୍କଠାରୁ ସୂଚନା ମିଳିଛି।
Popular Categories
Previous article
Next article