ଝାରସୁଗୁଡ଼ା: ଭାରତର ବୃହତ ଆଲୁମିନିୟମ ଉତ୍ପାଦକ ବେଦାନ୍ତ ଆଲୁମିନିୟମର ଝାରସୁଗୁଡ଼ା ପ୍ଲାଣ୍ଟରେ ସୁରକ୍ଷା ସଂପର୍କିତ ଜ୍ଞାନର ଆଦାନ ପ୍ରଦାନ ଓ ଔଦ୍ୟୋଗିକ ସୁରକ୍ଷା ଅଭ୍ୟାସ ଆବଶ୍ୟକତା ଉପରେ ଏକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଆଇନ ଶୃଙ୍ଖଳା ଏବଂ ଔଦ୍ୟୋଗିକ ସୁରକ୍ଷା ମଧ୍ୟରେ ଥିବା ଗୁରୁତ୍ୱପୂର୍ଣ୍ଣ ସଂଯୋଗକୁ ନେଇ ଅଧିବେଶନରେ ଗୋଷ୍ଠୀର ସୁରକ୍ଷା ଉପରେ ଗୁରୁତ୍ୱ ପ୍ରଦାନ କରାଯାଇଥିଲା। ବିଭିନ୍ନ ଶିଳ୍ପ ସୁରକ୍ଷା ଅଧିକାରୀ ଓ ପୁଲିସ ଅଧୀକ୍ଷକଙ୍କ ସମେତ ୮୦ରୁ ଅଧିକ ବିଶିଷ୍ଟ ପୁଲିସ ଅଧିକାରୀ ତଥା କର୍ମଚାରୀମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। ଏହି ସମ୍ମିଳନୀ କର୍ମଚାରୀ ଓ ବ୍ୟବସାୟିକ ସହଯୋଗୀମାନଙ୍କୁ ଆମନ୍ତ୍ରଣ କରିବା ପାଇଁ ଆୟୋଜିତ କରାଯାଇଥିଲା।
ଓଡ଼ିଶାର ପୂର୍ବତନ ଆଇପିଏସ ବି.କେ. ଶର୍ମା ପୁଲିସ ଇଣ୍ଡଷ୍ଟ୍ରିଆଲ ସିକ୍ୟୁରିଟି ଉପରେ ବକ୍ତବ୍ୟ ପ୍ରଦାନ କରିଥିଲେ। ସେ କହିଥିଲେ ଯେ, ଶିଳ୍ପ ସଂସ୍ଥା ଓ ଆଇନ ଶୃଙ୍ଖଳା ମଧ୍ୟରେ ପ୍ରଭାବଶାଳୀ ସହଯୋଗ ଦ୍ୱାରା ଅନେକ ବିପଦରୁ ସୁରକ୍ଷା ମିଳିପାରିବ। ଅଧିକ ନିରାପତ୍ତା ଲାଗି କଠୋର ଅନୁପାଳନ ବ୍ୟବସ୍ଥା ପ୍ରତି ଧ୍ୟାନ ଦିଆଯିବା ଉଚିତ। ଆଲୋଚନା ଓ ଅଗ୍ରଣୀ ସହଯୋଗୀ ପ୍ଲାଟଫର୍ମ ସହ ସଂପର୍କ ରକ୍ଷା ପାଇଁ ମୁଁ ବେଦାନ୍ତକୁ ଧନ୍ୟବାଦ ଜଣାଉଛି। ଏହାଦ୍ୱାରା ପାରସ୍ପରିକ ସହଯୋଗ ବୃଦ୍ଧି ପାଇବା ସାଙ୍ଗକୁ ସୁରକ୍ଷାକୁ ସୁନିଶ୍ଚିତ କରାଯାଇପାରିବ।
ଏହି ଜ୍ଞାନ ଆଦାନ ପ୍ରଦାନ ଅଧିବେଶନରେ ବେଦାନ୍ତ ଆଲୁମିନିୟମ ବ୍ୟବସାୟ ସିଓଓ ସୁନୀଲ ଗୁପ୍ତା ମତ ଦେଇଥିଲେ ଯେ, ସୁରକ୍ଷା ଓ ନିରାପତ୍ତା ଉପରେ ଆମର ସର୍ବଦା ଧ୍ୟାନ ରହି ଆସିଛି। ବେଦାନ୍ତ ଆଲୁମିନିୟମ ଗୋଷ୍ଠୀ ସୁରକ୍ଷା ଓ କଲ୍ୟାଣକୁ ପ୍ରାଥମିକତା ଦେଇ ମୌଳିକତାକୁ ବଜାୟ ରଖେ। ଆମେ ଉତ୍ସାହର ସହ ସହଯୋଗୀ ପ୍ଲାଟଫର୍ମଗୁଡ଼ିକୁ ଗ୍ରହଣ କରୁ, ଯାହାଦ୍ୱାରା ସଙ୍କଟ ସମୟରେ ପାରସ୍ପରିକ ସମର୍ଥନ ମିଳିପାରିବ।
Comments are closed.