ଟିଟିଲାଗଡ଼ : ବଲାଙ୍ଗୀର ଜିଲା ଟିଟିଲାଗଡ ସହରରେ ଶୁକ୍ରବାର ପେଟ୍ରୋଲ ପମ୍ପରୁ ମୁଖ୍ୟରାସ୍ତା ପଟକୁ ଏକ ହାଇୱା ଟ୍ରକ ଆସୁଥିବା ବେଳେ ଠିକ ରାସ୍ତାକୁ ମାଡ଼ି ରହିଥିବା ତରଭୁଜ ଦୋକାନ ଉପରେ ଟ୍ରକଟି ଚଢିଯାଇଥିବା ଜଣାପଡ଼ିଛି। ଦୋକାନରେ କେହି ନଥିବାରୁ ଅଳ୍ପକେ ଅଘଟଣ ଟଳିଯାଇଥିବା ଆଲୋଚନା ହେଉଛି। ତେବେ ସହର ମଧ୍ୟରେ ତଥା ମୁଖ୍ୟଛକ ଗୁଡିକରେ ପୂର୍ବରୁ ସଙ୍କୁଚିତ ରାସ୍ତା ଉପରେ ଉଠା ଦୋକାନ ବସାଯିବା ନେଇ, ଟ୍ରାଫିକ ସମସ୍ୟା ନେଇ ପୂର୍ବରୁ ବହୁ ଥର ନାଗରିକମାନେ ପ୍ରଶାସନ ସହ ଆଲୋଚନା କରିଛନ୍ତି। ମାତ୍ର ହାର କୌଣସି ପ୍ରଭାବ ପଡ଼ିନାହିଁ।
ବିଜୁ ପଟ୍ଟନାୟକ ଛକ ନିକଟରେ ଗତ ବର୍ଷ ଏଭଳି ଏକ ଅଘଟଣ ନେଇ ଜଣଙ୍କର ମୃତ୍ୟୁ ହୋଇଥିବା ବେଳେ ନାଗରିକଙ୍କ ପକ୍ଷରୁ ତୀବ୍ର ପ୍ରତିକ୍ରୀୟା ପ୍ରକାଶ ପାଇଥିଲା। ଏନେଇ ପ୍ରଶାସନ ପକ୍ଷରୁ କିଛି ଦିନ ରାସ୍ତା ଅତିକ୍ରମଣ ପାଇଁ ଉଦ୍ୟମ କରାଯାଇଥିଲା ମାତ୍ର କିଛିଦିନ ପରେ ପୂର୍ବଭଳି ସମସ୍ୟା ବୃଦ୍ଧି ପାଇବାରେ ଲାଗିଛି। ଏଦିଗରେ ନେଡି ଗୁଡ କହୁଣିକୁ ବୋହି ଯିବା ପୂର୍ବରୁ ଶୋଇରହିଥିବା ପ୍ରଶାସନ ଚେଇଁବାକୁ ବୁଦ୍ଧିଜୀବୀ ମହଲରେ ଦାବି ହୋଇଛି।
Comments are closed.