ନୂଆଦିଲ୍ଲୀ .- ଭାରତ ଓ ନେପାଳ ମଧ୍ୟରେ ବ୍ରଡ ଗେଜ୍ରେ ପ୍ରଥମ ଯାତ୍ରୀ ବାହୀ ଟ୍ରେନ ଚଳା ଚଳ କରିବା ଆରମ୍ଭ କରିବ । ଡିସେମ୍ବର ମାସରୁ ଏହି ଟ୍ରେନ ଚଳାଚଳ କରିବା ଆରମ୍ଭ କରିବ ବୋଲି ସୂଚନା ମିଳିଛି । ବିହାରର ଜୟ ନଗରରୁ ନେପାଳର ଜନକପୁର ଓ ଧନୁଷ ଜିଲାର କୁର୍ଥା ପର୍ଯ୍ୟନ୍ତ ଏହି ଟ୍ରେନ ଚଳାଚଳ କରିବ ।
ଦୁଇ ଦେଶ ମଧ୍ୟରେ ଟ୍ରେନରେ ଯାତାୟତ କରିବା ପାଇଁ ନାଗରିକମାନଙ୍କୁ ଭିସାର ଆବଶ୍ୟକତା ନାହିଁ । ଏଥିପାଇଁ କେବଳ କେତକ ଯାଞ୍ଚ ବ୍ୟବସ୍ଥା କରାଯାଇଛି । ଏହି ରେଳ ଚଳାଚଳ ପାଇଁ ନେପାଳ ଭାରତଠାରୁ ରେଳ କୋଚ୍ ଓ ଅନ୍ୟ କେତକ ଜିନିଷ ଭଡ଼ା ସୁତ୍ରରେ ନେଇଛି । ନେପାଳ ଉପରେ ଚୀନର ପ୍ରଭାବ ବୃଦ୍ଧି ପାଉଥିବାରୁ ଏବେ ଏହାକୁ ଭାରତ ପକ୍ଷରୁ ଏକ ସକରାତ୍ମକ ପଦକ୍ଷେପ ଭାବେ ଦେଖାଯାଉଛି । ଭାରତରୁ ନେପାଳକୁ ୪ଟି ଅନ୍ୟସ୍ଥାନରୁ ରେଳ ଚଳା ଚଳ କରିବା ଯୋଜନା ରହିଛି ।
