ଗୋପାଳପୁର : ବ୍ରହ୍ମପୁର ଏସ. ପି ଡ଼ା ଶ୍ରବଣା ବିବେକ ଏମଙ୍କ ନିର୍ଦ୍ଦେଶ କ୍ରମେ ଗୋପାଳପୁର ଥାନା ସଭାଗୃହରେ ଆଜି ଥାନା ଅଧିକାରୀ ପ୍ରଶାନ୍ତ କୁମାର ମଲ୍ଲିକଙ୍କ ଅଧକ୍ଷତାରେ ଥାନା ଅଧୀନରେ ଥିବା ସମସ୍ତ ମନ୍ଦିର ସୁରକ୍ଷାକୁ ନେଇ ଏକ ସଚେତନତା ବୈଠକ ଅନୁଷ୍ଠିତ ହୋଇଥିଲା । ଦିନକୁ ଦିନ ମନ୍ଦିର ମାନଙ୍କରେ ଚୋରି ବଢ଼ିବାରେ ଲାଗିଥିବାରୁ ତାହାକୁ କିପରି ରୋକା ଯାଇ ପାରିବ ସେ ନେଇ ଆଲୋଚନା ହୋଇଥିଲା। ମନ୍ଦିରରେ ସିସି କ୍ୟାମେରା, ମନ୍ଦିର ଚାରିପାଖ ପାଚେରୀ, ମନ୍ଦିର ଗେଟ ଗୁଡ଼ିକୁ ସଜାଡ଼ିବା ସହ ମନ୍ଦିର ସୁରକ୍ଷା ସମସ୍ତଙ୍କ ଦାୟିତ୍ୱ ବୋଲି ଥାନା ଅଧିକାରୀ କହିଥିଲେ । ଏ ନେଇ ମନ୍ଦିର କମିଟିର ସଦସ୍ୟ ମାନେ ପୁଲିସ ପେଟ୍ରୋଲିଂ କଡାକଡି କରିବା ସହ ପୁଲିସର ସହାୟତା ଲୋଡିଥିଲେ ।
ଏହି ବୈଠକରେ କରାପଲ୍ଲୀ, ନାରୟଣପୁର, ଡୁରା, ରଙ୍ଗେଈଲୁଣ୍ଡା, ବକ୍ସିପଲ୍ଲୀ, ଲୁହାଝର, ଗୋଳାବନ୍ଦ, ଗୋପାଳପୁର ଆଦି ଅଂଚଳର କମିଟି ସଦସ୍ୟଙ୍କ ସମେତ ଗୋପାଳପୁର ଅଧକ୍ଷ ଏ. ଜାନକୀ ରାମ, ପଞ୍ଚୁ ବେହେରା, ଏମ. ଚନ୍ଦ୍ର ଶେଖର, ଗୋପାଳପୁର ପୁଲିସ ଏଏସ ଆଇବି. ତିରୁପତି ରାଓ ପ୍ରମୁଖ ଉପସ୍ଥିତ ଥିଲେ । ସୂଚନା ଯୋଗ୍ୟ ଯେ ଗୋପାଳପୁର ଥାନାରେ କର୍ମଚାରୀ ଅଭାବ ରହିଥିବାରୁ ଥାନା ପକ୍ଷରୁ ଅନେକ ସମୟରେ ସନ୍ଧ୍ୟା କିମ୍ବା ରାତ୍ରିକାଳୀନ ପେଟ୍ରୋଲିଂ ଠିକ ଭାବେ ହେଉନଥିବା ଦେଖିବାକୁ ମିଳିଛି। ଅନ୍ୟପଟେ ଥାନା ଅଧୀନରେ ଭଞବିହାର ଫାଣ୍ଡି ରହିଥିବାବେଳେ ସେଠାରେ ମଧ୍ୟ ଏକ ପୁଲିସ ଜିପ୍ ରହିଛି। କିନ୍ତୁ ଫାଣ୍ଡି ଅଧିକାରୀଙ୍କ ପକ୍ଷରୁ ପେଟ୍ରୋଲିଂ କଡାକଡି ହେଉନଥିବା ଅଞ୍ଚଳବାସୀ ଅଭିଯୋଗ କରିଛନ୍ତି। ଏଣୁ ପୁଲିସ ପକ୍ଷରୁ ପେଟ୍ରୋଲିଂ ବ୍ୟବସ୍ଥା କରିବାକୁ ସାଧାରଣରେ ଦାବି ହେଉଛି ।
Comments are closed.