ଭୁବନେଶ୍ୱର, ଗ୍ରୀଷ୍ମଛୁଟିରେ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ପୂର୍ବତଟ ରେଳବାଇ ପକ୍ଷରୁ ୧୧ଟି ସ୍ୱତନ୍ତ୍ର ଟ୍ରେନ୍ ଚଳାଚଳ କରିବ ବୋଲି ଘୋଷଣା କରାଯାଇଛି । ଏହି ସବୁ ସ୍ୱତନ୍ତ୍ର ଟ୍ରେନ୍ ମଧ୍ୟରୁ କେତେକ ସପ୍ତାହକୁ ଥରେ କିମ୍ବା ସପ୍ତାହକୁ ଦୁଇଥର ଚଳାଚଳ କରିବ । ସେଗୁଡ଼ିକ ମଧ୍ୟରେ ସମ୍ବଲପୁର-ବନାସୱାଡି(ବେଙ୍ଗାଲୁରୁ), ପୁରୀ-ସାନ୍ତ୍ରାଗାଚ୍ଛି(ହାୱଡ଼ା), ବିଶାଖାପଟନମ୍-କିରଣ୍ଡୁଲ ଭାୟା କୋରାପୁଟ ଏସ୍ଏଫ୍ଟି, ହବିବ୍ଗଞ୍ଜ(ଭୋପାଳ)-ପୁରୀ ଏସ୍ଏଫ୍ଟି, ସିକନ୍ଦରାବାଦ୍-ଗୌହାଟି, ବିଶାଖାପଟନମ୍-ସିକନ୍ଦରାବାଦ ଏସ୍ଏଫ୍ଟି, ବିଶାଖାପଟନମ୍-ତିରୁପତି ଏସ୍ଏଫ୍ଟି, କାଚେଗୁଡା-ବିଶାଖାପଟନମ୍-ତିରୁପତି ସ୍ପେଶାଲ୍, ତିରୁପତି-ବିଶାଖାପଟନମ୍ ଏସି ସ୍ପେଶାଲ୍, ୟଶୱନ୍ତପୁର-ବିଶାଖାପଟନମ୍ ତକ୍ରାଳ ଆଦି ରହିଛି । ଏହାବାଦ୍ ଆବଶ୍ୟକ ଓ ଚାହିଦା ଆଧାରରେ ଆହୁରି ଅଧିକ ଟ୍ରେନ୍ ଚଳାଚଳ ପାଇଁ ଯୋଜନା କରାଯାଇଛି ବୋଲି କର୍ତ୍ତୃପକ୍ଷ କହିଛନ୍ତି । ସେହିପରି ନିୟମିତ ଏକ୍ସପ୍ରେସ୍ ଟ୍ରେନ୍ରେ ମଧ୍ୟ ଅତିରିକ୍ତ ବଗି ସଂଯୋଗ କରାଯିବ ।
Popular Categories
Previous article
Next article