ଭୁବନେଶ୍ୱର -ସତସଙ୍ଗ ବିହାର ସାମ୍ନା ୩୧୬ ନଂ ଜାତୀୟ ରାଜପଥ ରେଳ ଓଭର ବ୍ରିଜରୁ ରସୁଲଗଡ କଟକ ରାସ୍ତାରେ ନାହିଁ ନଥିବା ଭିଡ । ରାଜଧାନୀ ଭୁବନେଶ୍ୱର ମଧ୍ୟ ଦେଇ ଯାଇଥିବା ଜାତୀୟ ରାଜ ପଥରେ ପ୍ରତି ଘଣ୍ଟାରେ ହଜାର ହଜାର ଯାନବାହାନ ଦେଶର ବିଭିନ୍ନ ସ୍ଥାନକୁ ଯାତାୟତ କରୁଛି । କୋଲକାତା ଠାରୁ ଚେନ୍ନାଇ ପର୍ଯ୍ୟନ୍ତ ଭୁବନେଶ୍ୱର, ବିଶାଖାପାଟଣା ଅନେକ ସହରରୁ ଦୈନିକ ହଜାର ହଜାର ସଂଖ୍ୟାରେ ଆସୁଥିବା ଟ୍ରକ ଏବଂ ଅନ୍ୟ ଭାରିଯାନ ଏହି ରାସ୍ତାରେ ଯାଉଛି ।
ସତସଙ୍ଗ ବିହାର ସାମ୍ନା ଭିଏସ୍ଏସ୍ନଗର ନିକଟସ୍ଥ ଜାତୀୟ ରାଜପଥରେ ଏବେ ନୂଆକରି ଏକ ରେଳ ଓଭର ବ୍ରିଜ୍ କରାଯାଇଛି ।ପ୍ରତିଦିନ ସନ୍ଧ୍ୟା ସମୟରେ ଏହି ବ୍ରିଜ୍ ଉପରେ ନାହିଁ ନଥିବା ଟ୍ରାଫିକ୍ ଜାମ୍ ହେଉଥିବା ବେଳେ ଏହାକୁ ନିୟନ୍ତ୍ରଣ କରିବା ପାଇ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯାଇ ନଥିବା ଅଭିଯୋଗ ହୋଇଛି । ରବିବାର ରାତି ୧୦ ପରେ ମଧ୍ୟ ଏହି ଓଭର ବ୍ରିଜ୍ ଉପରେ ପ୍ରବଳ ଭିଡ ହୋଇଥିଲା । ଟ୍ରାଫିକ୍ ଜାମ୍ ଯୋଗୁଁ ଗାଡି ମଟରଙ୍କ ଲମ୍ବା ଲାଇନ୍ ଲାଗିଥିଲା । ଏପରି କି ମଟର ସାଇକେଲ୍ ବି ଯିବା କଷ୍ଟକର ଥିଲା ଏହି ରାସ୍ତା ଅତିକ୍ରମ କରିବା ପାଇଁ ଘଣ୍ଟା ଘଣ୍ଟା ସମୟ ଲାଗୁଥିଲା । ରାତି ୧୧ଟାରେ ମଧ୍ୟ ସମାନ ପରିସ୍ଥିତି ଦେଖିବା ପାଇଁ ମିଳିଥିଲା । ପୁଲିସ କର୍ତ୍ତୃପକ୍ଷଙ୍କ ସୂଚନା ଅନୁସାରେ ଏଠାରେ ନିୟନ୍ତ୍ରଣ ପାଇଁ ବ୍ୟବସ୍ଥା କରାଯାଇଥିଲେ ମଧ୍ୟ ବେଳେ ବେଳେ ଅତ୍ଯଧିକ ଗାଡି ଏବଂ ବ୍ରିଜରେ ନିର୍ମାଣ କାର୍ଯ୍ୟ ଚାଲିଥିବାରୁ ବେଳେ ବେଳେ ପ୍ରବଳ ଜାମ୍ ପରିଲକ୍ଷିତ ହେଉଛି । ତେବେ ଏହି ସ୍ଥାନରେ ଯାନବାହାନ ଚଳାଚଳ ପାଇଁ ଉତ୍ତମ ବ୍ୟବସ୍ଥା ଗ୍ରହଣ କରିବା ପାଇଁ ସାଧାରଣରେ ଦାବି ହୋଇଛି ।
Comments are closed.