କେନ୍ଦୁଝରଗଡ : ପାରମ୍ପରିକ ପାଉଡି ଭୂୟାଁ ମହାସଭା (ଡେରଙ୍ଗ ପୀଢ଼) ଏବଂ ସ୍ୱେଚାସେବୀ ଅନୁଷ୍ଠାନ ବନବାସୀ ଚେତନା ମଣ୍ଡଳ ମିଳିତ ସହଯୋଗରେ ପାଉଡି ଭୂୟାଁ ମାନଙ୍କର (ଡେରେଙ୍ଗ ପୀଢ଼)ର ଆବାସ ସ୍ଥଳି ଅଧିକାର ହାସଲ ପାଇଁ ଜଙ୍ଗଲ ଅଧିକାର ଆଇନ-୨୦୦୬ ଏବଂ ସଶୋଧିତ ଜଙ୍ଗଲ ଅଧିକାର ଆଇନ-୨୦୧୩ର ଧାରା (୩) (୧) ଅନୁଯାୟୀ ପାରମ୍ପରିକ ଭାବେ ଜୀବନ ଜୀବୀକା ପାଇଁ ବ୍ୟବହାର କରି ଆସୁଥିବା ଧର୍ମପୀଠ, ପୂଜାପୀଠ, ଗ୍ରାମ୍ୟ ସାରେଣୀ ଜାହିରା, ଜଙ୍ଗଲ ଖଣ୍ଡ ସମୂହର ଏବଂ ଲଘୁ ବନଜାତ ଦ୍ରବ୍ୟ ସମୂହ ଓ ଝରଣା, ନଦୀ, ହ୍ରଦ, ଚଲାପଥ, ଗୋଚର, ଶ୍ମଶାନ, ମାଛ କଙ୍କଡା ଧରିବା ଅଧିକାର ପାଇବା ନିମନ୍ତେ ପାରମ୍ପରିକ ପୀଢ଼ନକ୍ସା ଗ୍ରାମନକ୍ସା ପ୍ରସ୍ତୁତ କରିବା ସହିତ ‘ଖ’ ଫର୍ମ ଓ ‘ଗ’ ଫର୍ମ ପୂରଣ ପାଇଁ ବାଂଶପାଳ ବ୍ଲକ କୁଆଁର ପଞ୍ଚାୟତ ତେମରା ଗ୍ରାମରେ ଶନିବାର ଏହି ତାଲିମ ଶିବିର ଆୟୋଜନ କରାଯାଇଥିଲା । ସ୍ଥାନୀୟ ୧୪ଟି ରାଜସ୍ୱ ଗ୍ରାମ ଓ ୧୬ଟି ପଡାର ମୋଟ ୫୯ଜଣ ବିଭିନ୍ନ ଜଙ୍ଗଲ ଜମି ଅଧିକାର କମିଟି ସଦସ୍ୟ ସଦସ୍ୟା ଏହି ତାଲିମ ଶିବିରରେ ଯୋଗଦେଇ ପ୍ରଶିକ୍ଷିଣ ନେଇଥିଲେ । ଆରସିଡିସି ଭୁବନେଶ୍ୱରର ଗୋଷ୍ଠୀ ସଙ୍ଗଠନ ଚର୍ତୁଭୁଜ ନାଏକ ଏହି ଶିବିରକୁ ପରିଚାଳନା କରିଥିବା ବେଳେ ବନବାସୀ ଚେତନା ମଣ୍ଡଳ ସମ୍ପାଦକ ବୀରବର ନାଏକ ଶିବିରାର୍ଥୀଙ୍କୁ ତାଲିମ ପ୍ରଦାନ କରିଥିଲେ। ଡେରେଙ୍ଗ ପୀଢ଼ ସଭାପତି କିଶୋର କଟେଇ, ଡେରେଙ୍ଗ ପୀଢ଼ ସର୍ଦ୍ଦାର ତମାଳ ପ୍ରଧାନ ଏବଂ ସମସ୍ତ ପୀଢ଼ର ସର୍ଦ୍ଦାର ମାନେ ଉପସ୍ଥିତ ରହି ଶିବିର ପରିଚାଳନାରେ ସହଯୋଗ କରିଥିଲେ ।
Popular Categories
Previous article
Next article