ଚୌଦ୍ୱାର : ବଡ଼ାସାମନ୍ତରାପୁର ପଞ୍ଚାୟତ ଅନ୍ତର୍ଗତ ବଡ଼ପାଦାଗାଁରେ ଆୟୋଜିତ ଏକ ଗ୍ରାମାଞ୍ଚଳ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇ ଯାଇଛି । ଦୁଇଦିନ ଧରି ଆୟୋଜିତ ଏହି ଟୁର୍ଣ୍ଣାମେଣ୍ଟରେ ଆଖପାଖ ଅଞ୍ଚଳର ୮ଟି ଟିମ୍ ଯୋଗଦେଇଥିଲେ। ନାରଙ୍ଗବସ୍ତ କ୍ରିକେଟ କ୍ଲବ ଓ ଗୋବରା କ୍ରିକେଟ କ୍ଲବ୍ ମଧ୍ୟରେ ଅନୁଷ୍ଠିତ ଫାଇନାଲ ମ୍ୟାଚରେ ନାରଙ୍ଗବସ୍ତ ଦଳ ଗୋବରାକୁ ୧୩ ରନରେ ହରାଇ ଚମ୍ପିୟନ୍ ହୋଇଥିଲା। ନାରଙ୍ଗବସ୍ତ ପ୍ରଥମେ ବ୍ୟଟିଂ କରି ନିର୍ଦ୍ଧାରିତ ୧୨ ଓଭରରେ ୯୨ ରନ୍ ସଂଗ୍ରହ କରିଥିବାବେଳେ ଗୋବାରା ଦଳ ୧୨ ଓଭରରେ ମାତ୍ର ୭୯ ରନ୍ କରିଥିଲେ । ଅମ୍ପାୟାର ଚନ୍ଦନ ରାଉତ ଓ ସନ୍ତୋଷ ରାଉତ ମ୍ୟାଚ୍ ପରିଚାଳନା କରିଥିଲେ। ଉଦଯାପନୀ ଉତ୍ସବରେ ଯୁବ ସଂଗଠକ ଅଭୟ ବାରିକ୍, ଖବରଦାତା ଆଶୁତୋଷ ଦାସ, ଅଜିତ୍ କୁମାର ସ୍ୱାଇଁ, ଅରିକ୍ଷିତ ମଲ୍ଲିକ ପ୍ରମୁଖ ଅତିଥି ଭାବେ ଯୋଗଦେଇ ବିଜୟୀ ଦଳକୁ ଟ୍ରଫି ପ୍ରଦାନ ସହିତ ରନର୍ସଅପ୍ ଦଳକୁ କପ୍ ପ୍ରଦାନ କରିଥିଲେ। ମନୋଜ ବାରିକ, ରାକେଶ କୁମାର ଦାସ, ପ୍ରଶାନ୍ତ ସିଂ, ପ୍ରକାଶ କାଣ୍ଡୀ, ପ୍ରଶାନ୍ତ ବାରିକ ପ୍ରମୁଖ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।
Comments are closed.