ନୂଆଦିଲ୍ଲୀ : କାଶ୍ମୀର ଘାଟିରେ ଚଳିତ ବର୍ଷ ଆତଙ୍କବାଦ ଏବଂ ପଥର ଫିଙ୍ଗା ଘଟଣାରେ ୨୦ ପୁଲିସ୍ କର୍ମୀଙ୍କ ସମେତ ଅନ୍ୟୁନ୍ ୪୧ ସୁରକ୍ଷା କର୍ମୀ ସହିଦ ହୋଇଛନ୍ତି ଓ ୯୦୭ ଆହତ ହୋଇଛନ୍ତି। ସୋମବାର ବିଭାଗୀୟ ଅଧିକାରୀ ସୂଚନା ଦେଇଛନ୍ତି ଯେ ଚଳିତ ବର୍ଷର ପ୍ରଥମ ୬ ମାସ ମଧ୍ୟରେ ଆତଙ୍କବାଦୀ ଜନିତ ଘଟଣାରେ ୩୯ ସୁରକ୍ଷା କର୍ମୀ ସହିଦ ହୋଇଛନ୍ତି। ସେଥିମଧ୍ୟରେ ୧୭ ସୈନିକ, ୨୦ ପୁଲିସ୍ କର୍ମୀ ଏବଂ ୨ ଜଣ ସିଆରପିଏଫ ଯବାନ ଅଛନ୍ତି। ଆତଙ୍କବାଦ ଜନିତ ଘଟଣାରେ ୨୮ ସୈନ୍ୟ, ସିଆରପିଏଫର ୩୧ ଯବାନ ଏବଂ ୩୭ ପୁଲିସ୍ କର୍ମୀ ଆହତ ହୋଇଛନ୍ତି। ପଥର ଫିଙ୍ଗା ଘଟଣାରେ ସିଆରପିଏଫର ଦୁଇ ଯବାନ ସହିଦ ହୋଇଛନ୍ତି ଓ ୮୧୧ ଜଣ ଆହତ ହୋଇଛନ୍ତି। ଏହି ସମୟ ମଧ୍ୟରେ ଘାଟିରେ ପଥର ଫିଙ୍ଗା ଭଳି ୭୩୪ଟି ଘଟଣା ଘଟିଛି। ଏହାଦ୍ୱାରା ୫୯୨ ପୁଲିସ୍ କର୍ମୀ ଏବଂ ୨୧୯ ସିଆରପିଏଫ ଯବାନ ଆହତ ହୋଇଛନ୍ତି। ପଥର ଫିଙ୍ଗା ଏବଂ ଆତଙ୍କବାଦ ଘଟଣାରେ ୩୨ ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଛି ଓ ୧୧୭ ଜଣ ଆହତ ହୋଇଛନ୍ତି।
ଚଳିତ ବର୍ଷର ପ୍ରଥମ ୬ ମାସ ମଧ୍ୟରେ ଜାମ୍ମୁ କାଶ୍ମୀରରେ ୨୫୬ଟି ଆତଙ୍କବାଦୀ ଆକ୍ରମଣ ଘଟଣା ଘଟିଛି ଓ ସେନା କାର୍ଯ୍ୟାନୁଷ୍ଠାନାରେ ୧୦୦ ଆତଙ୍କବାଦୀ ନିପାତ ହୋଇଛନ୍ତି। ଗୃହ ରାଷ୍ଟ୍ର ମନ୍ତ୍ରୀ ହଂସରାଜ ଗଙ୍ଗାରାମ ଅହିର ରାଜ୍ୟସଭାରେ ଏହି ସୂଚନା ଦେଇଛନ୍ତି । ଚଳିତ ବର୍ଷ ଜୁଲାଇ ୮ ସୁଦ୍ଧା ଜାମ୍ମୁ କାଶ୍ମୀରରେ ୧୦୦ ଆତଙ୍କବାଦୀ ନିହତ ହୋଇଛନ୍ତି। ଏହି ସମୟ ମଧ୍ୟରେ ୪୩ ସୁରକ୍ଷା କର୍ମୀ ଏବଂ ୧୬ ନାଗରିକଙ୍କ ମୃତ୍ୟୁ ଘଟିଛି। ୨୦୧୭ରେ ୪୩୨ଟି ଆତଙ୍କବାଦୀ ଆକ୍ରମଣ ଘଟଣା ଘଟିଥିଲା ଓ ବର୍ଷକ ମଧ୍ୟରେ ୨୧୩ ଆତଙ୍କବାଦୀ ନିପାତ ହୋଇଥିଲେ। ଗତ ବର୍ଷ ୮୦ ସୁରକ୍ଷା କର୍ମୀ ଏବଂ ୪୩ ନାଗରିକ ପ୍ରାଣ ହରାଇଥିଲେ।
ଆତଙ୍କବାଦୀ ଏବଂ ପଥର ପିଙ୍ଗାଳିଙ୍କ ସହ ସଂଘର୍ଷରେ ଚଳିତ ବର୍ଷ ୪୧ ସୁରକ୍ଷା କର୍ମୀ ସହିଦ, ୯୦୭ ଆହତ
Popular Categories
Previous article
Next article