ନ୍ୟୁୟର୍କ : ଏଠାରେ ଚାଲିଥିବା ୟୁଏସ୍ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାର ମହିଳା ଏକକ ଫାଇନାଲରେ ଆମାଣ୍ଡା ଆନିସିମୋଭା ଓ ଆରିନା ସାବାଲେଙ୍କା ପ୍ରବେଶ କରିଛନ୍ତି। ଶୁକ୍ରବାର ମହିଳା ଏକକ ପ୍ରଥମ ସେମିଫାଇନାଲରେ ଆମେରିକାର ୮ମ ସିଡ୍ ଆମାଣ୍ଡା ଆନିସିମୋଭା ୬-୭, ୭-୬ ଓ ୬-୩ ରେ ଜାପାନର ୨୩ମ ସିଡ୍ ନାଓମି ଓସାକାଙ୍କୁ ପରାସ୍ତ କରି ଫାଇନାଲରେ ପହଞ୍ଚିଛନ୍ତି। ଚଳିତ ବର୍ଷ ଆନିସିମୋଭା ଦ୍ବିତୀୟ ଥର ପାଇଁ ଏକ ଗ୍ରାଣ୍ଡସ୍ଲାମ ଟେନିସର ଫାଇନାଲରେ ପହଞ୍ଚିଛନ୍ତି। ଚଳିତ ବର୍ଷ ୱିମ୍ବଲଡନ ଟେନିସର ମହିଳା ଏକକ ଫାଇନାଲରେ ପହଞ୍ଚିଥିଲେ ମଧ୍ୟ ରନର୍ସଅପ ହୋଇଥିଲେ। ଏବେ ପ୍ରଥମ ଗ୍ରାଣ୍ଡସ୍ଲାମ ଜିତିବା ନେଇ ଆନିସିମୋଭାଙ୍କ ନିକଟେର ସୁଯୋଗ ରହିଛି। ଦ୍ବିତୀୟ ସେମିଫାଇନାଲରେ ଟପ୍ ସିଡ୍ ବେଲାରୁଷର ଆରିନା ସାବାଲେଙ୍କା ୪-୬, ୬-୩ ଓ ୬-୪ରେ ୪ର୍ଥ ସିଡ୍ ଜେସିକା ପେଗୁଲାଙ୍କୁ ପରାସ୍ତ କରି ଫାଇନାଲରେ ପହଞ୍ଚିଛନ୍ତି। ସାବାଲେଙ୍କା ପ୍ରଥମ ସେଟ୍କୁ ୪-୬ରେ ପରାଜିତ ହେବା ପରେ ଦ୍ବିତୀୟ ସେଟ୍କୁ ୬-୩ ଓ ତୃତୀୟ ସେଟ୍କୁ ୬-୪ରେ ଜିତି ମ୍ୟାଚ ବିଜୟୀ ହୋଇଥିଲେ। ଶନିବାର ଆମାଣ୍ଡା ଆନିସିମୋଭା ଓ ଆରିନା ସାବାଲେଙ୍କାଙ୍କ ମଧ୍ୟରେ ଫାଇନାଲ ଖେଳାଯିବ।
Popular Categories
Previous article
Next article