ସମାଜ ବ୍ୟୁରୋ : ବ୍ୟାଙ୍କରେ ଟଙ୍କା କାରବାର ପାଇଁ ବେଳେବେଳେ ଆମେ ଚେକ୍ ବ୍ୟବହାର କରୁ । କିନ୍ତୁ ଏହି ଚେକ୍ ବାଉନ୍ସ ହେବା ଯୋଗୁଁ ଟଙ୍କା କାରବାରରେ ବାଧା ସୃଷ୍ଟି ହୁଏ । ଚେକ୍ ବାଉନ୍ସ ହେବା ଯୋଗୁଁ ଅନେକ ସମୟରେ ଆମେ ଅସୁବିଧା ସାମ୍ନା କରୁ । ତେବେ ଜାଣନ୍ତୁ କାହିଁକି ଚେକ୍ ବାଉନ୍ସ ହୁଏ । ଏବଂ କିପରି ଏହାର ସମାଧାନ କରାଯାଇ ପାରିବ ।
ଯେତେବେଳେ ଆପଣ ଟଙ୍କା କାରବାର ପାଇଁ ବ୍ୟାଙ୍କରେ ଦାଖଲ କରିଥିବା କିମ୍ବା କେଉଁ ବ୍ୟକ୍ତିଙ୍କୁ ଦେଇଥିବା ଚେକ୍ ବ୍ୟାଙ୍କ ରଦ୍ଦ କରେ ଏବଂ ଟଙ୍କା କାରବାର କରାଯାଇପାରେ ନାହିଁ ସେତେବେଳେ ଚେକ୍ ବାଉନ୍ସ ହୁଏ । ସେତେବେଳେ ଲୋକମାନେ ଚିନ୍ତିତ ହୋଇଯାଆନ୍ତି ଏବଂ ଭାବନ୍ତି ଯେ ଏହା ତୁରନ୍ତ ସମାଧାନ ହୋଇଯିବ । ଚେକ୍ ବାଉନ୍ସ ହେବାର ଅନେକ କାରଣ ଅଛି । ସାଧାରରତଃ ଯେତେବେଳେ ବ୍ୟାଙ୍କ ଆକାଉଣ୍ଟରେ ପର୍ଯ୍ୟାପ୍ତ ବାଲାନ୍ସ ନଥାଏ ସେତେବେଳେ ଚେକ୍ ବାଉନ୍ସ ହୁଏ । ବେଳେବେଳେ ଆକାଉଣ୍ଟରେ ପର୍ଯ୍ୟପ୍ତ ବାଲାନ୍ସ ଥାଇ ମଧ୍ୟ ଚେକ୍ ବାଉନ୍ସ ହୁଏ । ଯାହାର ଅନେକ କାରଣ ରହିଛି । ଏହି କାରଣଗୁଡ଼ିକ ହେଉଛି ଦସ୍ତଖତରେ ପାର୍ଥକ୍ୟ , ଓଭରରାଇଟିଂ , ଆକାଉଣ୍ଟ ବନ୍ଦ , ଚେକ୍ରେ ରାଶି ମଧ୍ୟରେ ପାର୍ଥକ୍ୟ , ବ୍ୟାଙ୍କ୍ ଓଭରଡ୍ରାଫ୍ଟ ସୀମା ଅତିକ୍ରମ , ଚେକ୍ ଚିରିଯିବା , ଭୁଲ୍ ତାରିଖ ଇତ୍ୟାଦି ।
ତେଣୁ ଚେକ୍ ଦେବା ପୂର୍ବରୁ ଆକାଉଣ୍ଟରେ ପର୍ଯ୍ୟାପ୍ତ ପରିମାଣର ବାଲାନ୍ସ ରଖନ୍ତୁ । ଚେକ୍ରେ ଓଭରରାଇଟିଂ କରନ୍ତୁ ନାହିଁ । ତାରିଖ, ଠିକଣା ଏବଂ ଦସ୍ତଖତକୁ ସଠିକ୍ ଭାବରେ ଲେଖନ୍ତୁ , ନିଶ୍ଚିତ କରନ୍ତୁ ଯେ ଚେକ୍ଟି ସଠିକ୍ ତାରିଖ ମଧ୍ୟରେ ଅଛି । ପ୍ରତିବର୍ଷ ଦସ୍ତଖତ ଅପଡେଟ୍ କରନ୍ତୁ ସମୟ ସହିତ ଦସ୍ତଖତ ପରିବର୍ତ୍ତନ ହୁଏ । ଯଦି ଆପଣଙ୍କ ଆକାଉଣ୍ଟ ଓଭରଡ୍ରାଫ୍ଟରେ ଅଛି, ତେବେ ବ୍ୟାଙ୍କ ଏହାକୁ ଜାରି କରିବା ସମୟରେ ସୀମା ବିଷୟରେ ସଚେତନ ହେବା ଉଚିତ । ଚେକ୍କୁ ମୋଡ଼ନ୍ତୁ ନାହିଁ ଏବଂ ଧ୍ୟାନ ଦିଅନ୍ତୁ ଯେ ଏହା ଯେପରି ଚିରି ନଯାଏ । ତେଣୁ, ଚେକ୍ ଉଠାଇବା ସମୟରେ ଏହି ଜିନିଷଗୁଡ଼ିକ ପ୍ରତି ସତର୍କ ରହିବା ଗୁରୁତ୍ୱପୂର୍ଣ୍ଣ । ଏହା ଅତ୍ୟନ୍ତ କ୍ଷତିକାରକ। ବାରମ୍ବାର ଚେକ୍ ବାଉନ୍ସ ହେବା ଜଣେ ବ୍ୟକ୍ତିଙ୍କ ବ୍ୟକ୍ତିଗତ ରେକର୍ଡକୁ ପ୍ରଭାବିତ କରିପାରେ । ଏହା ସିଧାସଳଖ ଆପଣଙ୍କ ସିବିଲ୍ ସ୍କୋର ଉପରେ ପ୍ରଭାବ ପକାଇଥାଏ ।
